Proverbios 29:5 - New Testament Psalms and Proverbs in Mixtec Magdalena Peñasco

⁵ Ñayii ká'an vii ja kuu ñayii ketna'a ini ji'in i ma te masu ûni ndija i ja ká'an i ma chi ja ndúku i kúu ja ñayii nda'vi yukan te kendeka i te skenaa i maa i ma.

Proverbios 29:5 ပူးပေါင်းရင်းမြစ်များ

Salmos 12:2

Vaa ndaka ñayii a, ndimaa ka xnda'vi tna'a i, te ñii yu'u i ma‑ni ka iyo tnu'u ka ka'an i ma, kovaa masu inundija i ja ka ka'an i ma.

Salmos 36:2

Te jani ini i ja va'a‑ni kúu ja sa'a i ma, te másu nde ndása'a i kuenda ja saxiko Su'si ma ja u'vi sa'a i ma.

Salmos 5:9

Vaa tnu'u ka ka'an i ma, másu inundija i, vaa onde ini anua i ma nanimaa ja u'vi ka ñu'u, vaa sukan kaa nuu yinee ndiyi ma nuna ndanune ma te kuni o ja nanimaa ja kini ja tne'e ja ni tivi ñu'u ma, sukan ka kuu tnu'u ka ka'an ñayii ka sa'a ja u'vi ma.

Proverbios 1:17

Ndasa'a kuenda, te kuni ro ja lasaa ma chi masu kivi ti nuu ni satu'va o ja tnii o ti ma nú ni jini ti ja iyo yika ti ma.

Proverbios 20:19

Ñayii tnu'u ma chi masu kuu kukanu ini o i chi ndi'i kuiti ndáxtuu i kua'an i ma, chukan kúu ja masu kuu ketna'a ini o ji'in ñayii masu kutu yu'u i ma.

Proverbios 26:28

Ñayii tnu'u ma chi sa'a u'vi i ñayii xnda'vi i ma, te suni sukan kúu ñayii sa'a tnu'u ja ká'an vivii i ma chi sa'a u'vi i ndaka ñayii ka jiniso'o sukan ká'an i ma.

Proverbios 28:23

Ñayii ndáka'an‑so'o nuu in‑ka ñayii ma chi visi kuee‑ka ma chi jin ndaka'an vii jin ndaka'an va'a ñayii ma ja kuu i, kovaa masu sukan ko kuu ji'in ñayii yika‑ni ja ka'an i tnu'u vii tnu'u luu ja kuu in‑ka ñayii ma te masu ndija i ma.

Proverbios 7:21

Te vivii ká'an ká'an ña onde ni kundee ña ni xnda'vi ña suchi jaa ma,

Proverbios 7:5

sukan‑va'a jin kasi ndee jin kasi ndoso ña'a i nuu ña'a vivii ká'an ma ja kúni ña ja kivi nduu ña ji'in in‑ka tee ma.

Romanos 16:18

Vaa ñayii yukan chi masu ka jinukuechi i nuu Jesucristo iya tátnuni nuu o a, nú masu ja ka ndi ini i kúu ja jin ni'i i ja jin ku'un chii i ma‑ni. Te vivii ka ka'an i, te ka xnda'vi i ñayii ñatuu ka ndasa'a kuenda ma.

1 Tesalonicenses 2:5

Vaa ka jini ni ja masu nama ni ka ka'an sa tnu'u vivii te jin xnda'vi ña'a sa sukan‑va'a jin taa ni xu'un ni ma. Te maa Su'si o ma na'a,