Proverbios 29:4 - New Testament Psalms and Proverbs in Mixtec Magdalena Peñasco

⁴ Rey tee ja'nde ndaa tniñu ñayii ñuu de ma chi sa'a de ja núkuiñi va'a ñuu ma, kovaa tee yika‑ni ja ndí ini de ja na kivi‑ka xu'un ma chi xnaa de ñuu yukan.

Proverbios 29:4 ပူးပေါင်းရင်းမြစ်များ

Salmos 89:14

Ndimaa ja va'a ja ndaa sa'a ni nuu núkoo ni ja tátnuni ni ma, te yoxtnuu tnu'u ndaa tnu'u ndija tnu'u nda'vi ini ma nuu ni nde kua'an nde vee ni.

Salmos 99:4

“Maa ni kúu Rey iya sa'a ndaa sa'a ndija ma, te chukan kúu ja kóo jayiñu'u nuu maa ni a. Te maa ni káxtnu'u ja inuu‑ni ka kuu ndaka ñayii ma, te ñatuu na nde i kanuu‑ka. Te sukan ni sa'a ndaa ni sa'a ndija ni ji'in sa'ya tata Jacob ma.” Sa'a jin kuña'a ni ya.

Proverbios 14:34

Ñuu nuu iyo tnu'u ndaa tnu'u ndija ma chi koo‑ka jayiñu'u i, kovaa ñuu nuu nanimaa ja u'vi ka sa'a ñayii ma chi ja kan‑nuu ndatna'a ñuu yukan.

Proverbios 16:10

Rey tee netniñu ma chi maa Su'si ma ni jani ña'a, te iyo de ja ka'nde ndaa de tniñu ñayii ma.

Proverbios 16:12

Rey tee ka netniñu ma, masu ka jatna ini de ja u'vi ka sa'a ñayii ma, vaa nuu ka nukoo ka nukuiñi de ma chi ndimaa ja va'a ja ndaa iyo ja jin sa'a de, vaa sukan, te jin koo va'a de ñuu de ma.

Proverbios 20:8

Ora jínkoo rey ma nuu ndákan de kuenda nuu ñayii ma chi yika‑ni ja nde'ya de ma, te ka jikayata maa ñayii ka sa'a ja u'vi ma.

Proverbios 29:14

Nú in rey ma, te sa'a ndaa sa'a ndija de ja jin kuu ñayii nda'vi ma, konukuiñi va'a de te kani kivi ko tatnuni de ñuu de ma.

Proverbios 8:15

Maa sa sa'a ja ka ni'i ini rey ma naxe jin tatnuni de ñuu de ma, te maa sa sa'a ja ka ni'i ini tee ka tatnuni ñuu ma naxe jin ka'nde ndaa de tniñu ñayii ma.