Proverbios 29:20 - New Testament Psalms and Proverbs in Mixtec Magdalena Peñasco

²⁰ ¿Jâ ni kuu jini ni in ñayii ja ni masu jani ini i te yachi‑ni ká'an i ma? Ja ká'an sa kúu ja iyo‑ka tnu'u kanu ini ja ndasa'a ñayii kúkuee ma kuenda sana ñayii ya'a.

Proverbios 29:20 ပူးပေါင်းရင်းမြစ်များ

Santiago 1:19

Chukan kúu ja kútoo ña'a maa sa, ndijin ja ni ka nduu o sa'ya Su'si o a, te jin koo ñama ni ja jin koniniso'o ni, te jin kava kuee ini ni ora jin ka'an ni ma, te má jin ndakiti yachi ini ni.

Proverbios 26:12

Iyo ñayii jani ini ja ndaka ja ká'an i ma te ndimaa ja va'a ka kuu te in ñayii ndichi kúu i jani ini maa i, kovaa ja ndaa kúu ja onde ñayii ndee ini ma chi iyo‑ka tnu'u kanu ini ja ndachu'un ini i te kee va'a i sana ñayii jani ini ja ñayii ndichi kúu i ma.

Proverbios 14:29

Ñayii kuee ndákiti ini ma chi ja ni jaku'ni xeen ini i kúu, kovaa ñayii yachi‑ni ndákiti ini ma chi káxtnu'u i ja in ñayii so'o kúu i.

Proverbios 21:5

Ñayii jakin tna'a vivii nawa jani ini i ja sa'a i ma chi kee va'a ja jani ini i ja sa'a i ma, kovaa ñayii ñatuu ndása'a kuenda i ma chi jani yachi‑ni ini i te sa'a i nde a kúni i ma, kovaa ja sukan kúu i ma chi ndunda'vi ndukee i.

Proverbios 29:11

Ñayii kúkuee xeen ma ja ñatuu jáku'ni ini i ma chi ûni wa'a maa i tnu'u ja ndákiti xeen ini i te sa'a ndeva'a i ma, kovaa ñayii ndichi ma chi kúndee i tátnuni i nuu maa i, te ndúkuee ini i, te ñatuu sa'a i ja u'vi ma.

Proverbios 19:2

Masu nde jiniñu'u nú ma kani va'a ini ñayii ma te keja'a i sa'a i nawa ñu'u ini i ja sa'a i ma, vaa nú ñama ñama‑ni sa'a o sukan ñu'u ini o ma chi masu kee va'a ja sa'a o ma.

Proverbios 29:19

Ñayii jinukuechi ma chi visi na ka'an na ka'an o nuu i kovaa masu ndasa'a i kuenda, vaa visi jaku'ni ini i ja jiña'a o ma, kovaa sa'a so'o i maa i te ñatuu kándija i ja ká'an o ma.

Proverbios 29:21

Nú onde luluu suchi ko kunukuechi ma, te ndimaa ko kuji'in jito'o i ma ji'in i chi kenda kivi, te suu i ndunda'a ndaka ja neva'a de ma.