Proverbios 29:18 - New Testament Psalms and Proverbs in Mixtec Magdalena Peñasco

¹⁸ Nú ñatuu na ñayii ndakaxtnu'u tnu'u Su'si ma iyo in ñuu ma chi ma jin sunkani ñayii ñuu ma ja ma jin sa'a‑ka i ja u'vi ma, kovaa ñayii sa'a sukan tátnuni Su'si ma chi chindee ña'a ya te koo vava'a i.

Proverbios 29:18 ပူးပေါင်းရင်းမြစ်များ

Salmos 106:3

¡Naka vii naka va'a ko kuu ñayii ja ndimaa ja va'a ja ndaa sa'a i ni‑kani ni‑jika ma!

Salmos 119:1

¡Naka vii naka va'a ka kuu ñayii ka jika va'a ka jika ndaa ichi Su'si o a te ka sa'a i sukan tátnuni ya ma!

Salmos 119:2

¡Naka vii naka va'a ka kuu ñayii ni‑yu'u ni‑ini i ka ndanduku i ja jin sa'a i sukan tátnuni Su'si ma, chi jin koo va'a i nuu ya!

Salmos 19:11

Saña ja jinukuechi sa nuu ni, te tnu'u ya'a xtu'va ña'a ni, sukan‑va'a másu ko sa'a sa ja u'vi ma. Te ñayii kándija te sa'a i sukan tátnuni ni ma chi neva'a ni ja skuta'vi ni i.

Salmos 74:9

Te ñatuu nde ka jini‑ka sa ja nú iyo ni ji'in sa, xi ñatuu‑ka, vaa ñatuu‑ka na tee ndaka'an tnu'u maa ni a nuu sa ja ka kuu sa ñuu maa ni a, te ni a in sa ñatuu jini na saa‑ka kivi jin ndo'o jin neni‑ka sa ya.

Proverbios 19:16

Ñayii kandija te sa'a i sukan ni tatnuni Su'si ma chi kaku i nuu ja u'vi ma te koteku i, kovaa ñayii saxiko tnu'u ni tatnuni Su'si ma chi kûu i te skenaa i maa i.

Proverbios 29:19

Ñayii jinukuechi ma chi visi na ka'an na ka'an o nuu i kovaa masu ndasa'a i kuenda, vaa visi jaku'ni ini i ja jiña'a o ma, kovaa sa'a so'o i maa i te ñatuu kándija i ja ká'an o ma.

Proverbios 8:32

’Chukan kúu ja vitna, vi sa'ya maa ri, jin koniniso'o ja ká'an káchi ri a. Ja vava'a ka kuu ñayii ka kandija te ka sa'a i sukan ká'an káchi ri a.

Mateo 9:36

Te ja ni jini ya kua'a xeen ñayii ma, te ni kunda'vi ini ya i, vaa masu na in jito ña'a, te ni ka jitenuu i sukan ka kuu ndikachi kiti ñatuu na in jito ña'a ma.

Lucas 11:28

Te ni ndakone'e ya: ―‍¡Ja vava'a‑ka ka kuu ñayii ka niniso'o ja ká'an Su'si ma te ka kandija i ma! ―‍kúu ya jiña'a ya.

Juan 13:17

Nú ka jaku'ni ini ni ja ká'an sa a, te nú jin sa'a ni sukan, te vava'a‑ni jin ko kuu ni.

Santiago 1:25

Kovaa iyo ñayii ni‑yu'u ni‑ini i nde'ya i tnu'u vava'a tátnuni Su'si ma tnu'u sa'a ja ndayaa o nuu ja u'vi ma, te masu ndúnaa i ja ni jiniso'o i ma, nú masu ja ûni sa'a i ndaka sukan ká'an ya ma. Te ñayii ya'a, va'a xeen ko kuu i ndaka nawa ñu'u ini i ja sa'a i ma.

Apocalipsis 22:14

’Ja vava'a ka kuu ñayii ka ndasa'a vii ka ndasa'a ndoo i maa i ma, sukan ka sa'a ñayii ka ndakate sa'ma i ma chi ka iyo i ja kuu jin kaa i nde'ya kúun yutnu sa'a ja kuu jin koteku ñayii ma, te kuu jin kivi koo i ye'e ñuu ma.