Proverbios 29:16 - New Testament Psalms and Proverbs in Mixtec Magdalena Peñasco

¹⁶ Nuna kukua'a ñayii ka sa'a ja u'vi ma chi kúnuu maa‑nka ja u'vi ma ñuu yukan, kovaa ñayii ka sa'a ja va'a ja ndaa ma, chi jin konde'ya nde'ya‑ni i sukan jin skenaa maa ñayii ka sa'a ja u'vi ma.

Proverbios 29:16 ပူးပေါင်းရင်းမြစ်များ

Salmos 112:8

Vaa jito va'a Su'si ma anua i ma, te másu nawa koyu'u i, onde kenda kivi kuni i sukan jin ndo'o jin neni ñayii ñatuu ka kunimani nuu i ma.

Salmos 37:34

Kukanu ini ni Iya Tátnuni ma, te sa'a ni sukan tátnuni ya ma, te maa ya sa'a ja koo jayiñu'u ni, te koo ni in ñu'ú jaa, te kuni ni sukan sa'a ya ma, ja xnaa ya ndaka ñayii ka sa'a ja u'vi ma.

Salmos 37:36

Kovaa sani te ni ji'i i, te ñatuu nde iyo‑ka i, te ni ndanduku sa i, te ñatuu nde ni ndani'i‑ka sa i.

Salmos 58:10

Te ñayii sa'a ja va'a ja ndaa ma chi ndusii ini xeen i ja kuni i ja sukan ni ka ndani'i, ni ka ndatna'a maa ñayii ka sa'a ja u'vi ma. Te ûni jin chunee i ja'a i ma nuu ni jati niñi ñayii inuso'o ma.

Salmos 91:8

Yika‑ni ja konde'ya ni, te kuni ni sukan jin ndani'i jin ndatna'a maa ñayii ñatuu ka kandija Su'si ma.

Salmos 92:11

Te konde'ya sa sukan jin kotuu ñayii ñatuu ka kunimani nuu sa ma, te kuniso'o sa sukan jin skenaa ñayii ka sa'a ja u'vi ma.

Salmos 92:9

Te ja ndaa ndija kúu ja ñayii ñatuu nde ka kunimani i nuu ni ma chi jin skenaa i maa i, te ñayii ka sa'a ja u'vi ma chi jin skenaa i maa i, sani te jin kuitenuu i.

Proverbios 21:12

Su'si iya sa'a ndaa sa'a ndija ma chi nde'ya nde'ya‑ni ya ve'e ñayii ka sa'a ja u'vi ma, te kua'a ya tnu'u te jin ndunda'vi jin ndukee maa i ja kuechi ja sukan ka sa'a maa i ja u'vi ma.

Proverbios 29:2

Nú ñayii ka sa'a ja va'a ja ndaa ma te ndimaa ke koo va'a ja ka sa'a i ma chi ndaka ñayii ñuu ma chi ka iyo sii ini i, kovaa ora ka kundee maa ñayii ka sa'a ja u'vi ma chi ka tnana u'vi‑nka ñayii ñuu ma ja ka jini i sukan ma.

Apocalipsis 15:4

¿Na in ma koyu'u ña'a te ma ndachiñu'u ña'a i maa ni, Su'si Iya Tátnuni? Vaa maa in‑ni ni kúu iya ii. Chukan kúu ja ki koo ñayii ka iyo ndaka ñuu ma, te jin ndachiñu'u ña'a i, vaa jâ ni ka jini i sukan sa'a ndaa sa'a ndija ni a. Sa'a ká'an ja ka jita i nuu ya ma.

Apocalipsis 18:20

Kovaa ndusii ini andivi ma, te jin ndusii ini tna ni ja ka kuu ni ñayii ka sa'a ja va'a ma, ja ka kuu ni tee ni tetniñu Jesucristo ma, ji'in tee ka ndakaxtnu'u tnu'u ni yo taa Su'si ma, vaa Su'si ma, jâ ni sa'a ya ja ni ka ndachunaa ñayii ka iyo ñuu ka'nu ma, kuechi ja ni ka sa'a ña'a i ma.