Proverbios 29:11 - New Testament Psalms and Proverbs in Mixtec Magdalena Peñasco

¹¹ Ñayii kúkuee xeen ma ja ñatuu jáku'ni ini i ma chi ûni wa'a maa i tnu'u ja ndákiti xeen ini i te sa'a ndeva'a i ma, kovaa ñayii ndichi ma chi kúndee i tátnuni i nuu maa i, te ndúkuee ini i, te ñatuu sa'a i ja u'vi ma.

Proverbios 29:11 ပူးပေါင်းရင်းမြစ်များ

Proverbios 12:16

Ñayii so'o ma chi yachi‑ni káxtnu'u i ja ndákiti ini i, kovaa ñayii ndichi ma chi masu sánuu i nawa ka ka'an ndeva'a ñayii ma nuu i ma.

Proverbios 12:23

Ñayii ndichi ma chi masu nde savixi i maa i ndaka ja jini i ma, kovaa ñayii ndee ini ma chi ja ká'an i ma‑ni, te yachi‑ni ndatuu maa i ja ñatuu na tnu'u ndichi neva'a i.

Proverbios 14:33

Ñayii ndasa'a kuenda naxe sa'a naxe kúu i ma chi nanimaa tnu'u ndichi ñu'u ini anua i ma ja sukan sa'a i ma, kovaa ñayii inuso'o xeen ka ndaa ma chi masu ka jini maa i nawa kúu tnu'u ndichi ma.

Proverbios 19:11

Ñayii ndichi te ndasa'a i kuenda ma chi kutu'va i ja kava kuee ini i, te jayiñu'u i kúu ja ni sakanu ini i ja u'vi ni sa'a ña'a in‑ka ñayii ma.