Proverbios 29:10 - New Testament Psalms and Proverbs in Mixtec Magdalena Peñasco

¹⁰ Ñayii játna ini ja ka'ni i in‑ka ñayii ma chi ndákiti ini i nuu ñayii masu na kuechi ndiso ma, kovaa ñayii ka sa'a ja va'a ja ndaa ma chi ka kuni i ja ndusii ini ñayii yukan.

Proverbios 29:10 ပူးပေါင်းရင်းမြစ်များ

Salmos 59:2

Sa'a ni ja na jin koo jika maa ñayii ka sa'a ja u'vi ma nuu iyo sa ya, sukan‑va'a na kaku sa nuu ñayii ka ja'ni tna'a ma.

Proverbios 13:19

Ñayii ni kundee ja ni xndoo i ja u'vi ma te sa'a i ja va'a ma chi iyo sii ini xeen i, kovaa ñayii so'o xeen kaa ma chi ñatuu játna ini i ja xndoo i ja u'vi ma.

Proverbios 29:27

Ñayii ka sa'a ja va'a ja ndaa ma chi masu ka jatna ini kuiti i sukan ka sa'a ka kuu ñayii ka sa'a ja u'vi ma, te ñayii ka sa'a ja u'vi ma chi ka saxiko i ñayii ka sa'a ja va'a ja ndaa ma.

Proverbios 29:9

Nú in ñayii ndichi ma, te jakituu tna'a i ji'in in ñayii ndee ini ma, chi masu nawa kundee kuiti i, vaa ñayii ndee ini ma chi kuu ndakiti ini i xi jakundee i ñayii ndichi ma‑ni.

Lucas 23:34

Jesús ma, sa'a ni ka'an ya nuu Yuva ya ma: ―‍Yuva sa, sakanu ini ni ñayii a, vaa ñatuu ka jini i nawa ka sa'a i a ―‍kúu ya jiña'a ya. Te soldado ma, ka chu'un de suerte, sukan‑va'a jin ndaka'nde de sa'ma Jesús ma.

Juan 5:34

Kovaa saña, masu kúkanu ini sa ni‑in ja ka ka'an ñayii ma. Kovaa jiniñu'u ja ka'an sa ndaka tnu'u ya'a nuu ni, sana jin ndani'i ta'vi ni.

Hechos 7:60

Te núkoo jiti de, te ni kayu'u nini'i de: ―‍Iya Tátnuni, máko ke'en kuenda ni kuechi ñayii ya'a ―‍kúu de ká'an de. Te nuu ni ka'an de sukan ma, sani te ni ji'i de.

Romanos 10:1

Ndijin ja ni ka nduu o sa'ya Su'si a, ja ndaa ndija kúu ja kúu ini xeen sa ja jin ndani'i ta'vi ñayii ñuu Israel ma, te sukan jikan‑ta'vi sa nuu Su'si ma.