Proverbios 29:1 - New Testament Psalms and Proverbs in Mixtec Magdalena Peñasco

¹ Ñayii ndee ini ma, te nuna ndaka'an‑so'o o nuu i ma, te su'va sa'a ndee‑ka i ini i ma chi sanaa sanaa‑ni, te kenda in tnundo'o nuu i ma, te ni ma nduva'a‑ka i.

Proverbios 29:1 ပူးပေါင်းရင်းမြစ်များ

Proverbios 28:14

Naka vii naka va'a kúu ñayii ndimaa jito va'a i maa i te ñatuu sa'a i ja u'vi ma vaa yu'u i Su'si ma, kovaa ñayii ndee xeen ini ma chi ja u'vi ma‑ni ndetu ña'a.

Proverbios 28:18

Ñayii ñu'u kaji ñu'u va'a ini ma te sa'a i ja va'a ma chi kaku i nuu ja u'vi ma, kovaa ñayii so'o xeen kaa te sa'a ndeva'a i in‑ka ñayii ma chi sanaa sanaa‑ni kotuu i te skenaa i maa i sukan ni kuni i ja ndo'o neni in‑ka ñayii ma.

Proverbios 28:28

Nú ñayii ka sa'a ja u'vi ma, ka kana koo i ja jin tatnuni i ñuu ma chi ñayii ñuu ma, ka chu'u i, kovaa nú ni ka skenaa ñayii ka sa'a ja u'vi ma te ni ka ji'i i ma chi ñayii ka sa'a ja va'a ja ndaa ma chi ka ndatnii i tnu'u ndee tnu'u ndatnu te ka ndukua'a i.

Proverbios 6:15

Chukan kúu ja sanaa sanaa‑ni, te kenda ja skenaa ndi'i kuiti i ja neva'a i ma, te ni masu nawa ndani'i‑ka i, te ja sukan ndo'o i ma, masu na in kasi ndee.

Juan 13:18

’Masu ká'an sa ja jin kuu ndaka ndijin, vaa jini sa na in ni kaji sa. Kovaa ja na ko kuu sukan ká'an tutu ndee tnu'u Su'si ma: “Ñayii ni jaa ji'in sa xita ma, sani te ni sa'a u'vi ña'a i ma.”

Juan 13:26

Jesús ma, ni ndakone'e ya: ―‍Na in kua'a sa xtatila xndoyo sa ma, tee yukan kúu de ―‍kúu ya jiña'a ya. Sani te ni xndoyo ya xtatila ma, te ni wa'a ya Judas Iscariote ma, sa'ya Simón ma.

Hechos 1:18

Kovaa xu'un ja ni ka chuya'vi i de ja ni ndaxiko de Jesús ma, te ni ndakuaan de in ñu'ú, te maa yukan ni ndakata kaa de maa de. Sani te ni jinkava de, te ni kuun de xini de, te ni ndata sasava de, te ni ndi'i kuiti jiti de ma ni ka jitenuu.

Hechos 1:25

sukan‑va'a núkuiñi de nuu tniñu ni yo jinukuechi Judas tee ni skenaa maa de ma. Vaa Judas ma, ni jiso kuechi de ma, te jâ kua'an maa de nuu koo de ma. ―‍Sa'a ka jiña'a de nuu Su'si ma.

1 Tesalonicenses 5:3

Nú ñayii ma, ka ka'an i: “Ndaka iyo nañii”, sani te kenda yachi ja jin ndo'o jin neni ñayii ma. Sukan keja'a ja u'vi in ña'a ja kâku sa'ya ña ma, sukan jin ndo'o i, te ñatuu ndenu kuu jin chu'u i ja jin kaku‑ka i.