Proverbios 28:27 - New Testament Psalms and Proverbs in Mixtec Magdalena Peñasco

²⁷ Ñayii ndimaa chíndee ñayii nda'vi ma chi másu ko ka'ni ña'a nawa jiniñu'u i ma, kovaa ñayii sa'a tnu'u ja ñatuu jini i nuu iyo ñayii nda'vi ma vaa ñatuu kúni i ja chindee i ñayii yukan chi ndimaa ja u'vi kenda nuu i ma.

Proverbios 28:27 ပူးပေါင်းရင်းမြစ်များ

Proverbios 11:24

Ka iyo ñayii ja sii ini ka wa'a i nawa ka neva'a i ma ñayii ka jiniñu'u ma, te sa'a Su'si ma ja kua'a‑ka ka ndani'i i, kovaa ka iyo ñayii ja inuxii xeen ini i ja ni masu ka ndi ini i ja jin chindee i ñayii ka jiniñu'u ma sukan iyo ja jin sa'a i ma, te su'va ka ndunda'vi‑ka maa i ja sukan ka sa'a i ma.

Proverbios 11:25

Vaa ñayii sii ini chíndee i in‑ka ñayii ma chi ndimaa ko ni'i ko tna'a i, te ñayii ndimaa chíndee i in‑ka ñayii ma chi koo tna ñayii ndachindee ña'a te ñatuu nawa ka'ni ña'a i ja jin ko kuu i.

Proverbios 11:26

Ñayii ndiyo ini ma chi xtutu i ndaka ja kaa o ma, sukan‑va'a kenda kivi kumani ma te xiko ya'vi‑ka i, te ñayii ñuu ma chi jin ka'an u'vi i ja kuu i, kovaa ñayii nda'vi ini ma chi masu ndí ini i ja kuu maa i te xíko i ja kaa o ma, te ja sukan sa'a i ma chi jin ka'an vii jin ka'an va'a ñayii ma ja kuu i ma.

Proverbios 19:17

Ja chíndee o ñayii nda'vi ma chi kuenda tnu'u ja in ja wanuu o nuu Su'si ma kúu, te maa ya ja kúu ya Iya Tátnuni ma ndataa nuu o ja va'a ni sa'a o ma.

Proverbios 22:9

Ñayii va'a ini ma te kúnda'vi ini i ñayii nda'vi ma te wa'a i ja kaa ñayii nda'vi ma chi skuta'vi ya i ja va'a te ko ni'i ko tna'a i.

Proverbios 24:24

Vaa ñayii ká'an ja masu na kuechi ndiso ñayii ni sa'a ja u'vi ma chi masu va'a‑ni ja sukan sa'a i ma, te ndaka ñayii ñuu ma jin ka'an u'vi i ja kuu ñayii yukan, te jin saxiko ña'a i.

Proverbios 28:28

Nú ñayii ka sa'a ja u'vi ma, ka kana koo i ja jin tatnuni i ñuu ma chi ñayii ñuu ma, ka chu'u i, kovaa nú ni ka skenaa ñayii ka sa'a ja u'vi ma te ni ka ji'i i ma chi ñayii ka sa'a ja va'a ja ndaa ma chi ka ndatnii i tnu'u ndee tnu'u ndatnu te ka ndukua'a i.

Hebreos 13:16

Te másu ko jin ndunaa ni ja jin sa'a ni ja va'a ma, ji'in ja jin chindee ni tna'a ni ma, vaa sukan játna ini Su'si ma, vaa ja va'a‑ka kuu ja sa'a o sukan sana ja ndakua'a ni in kiti nuu ya ma.