Proverbios 28:26 - New Testament Psalms and Proverbs in Mixtec Magdalena Peñasco

²⁶ Ñayii kúkanu ini maa i ma ja va'a‑ni kúu ja sa'a i ma chi ñayii ndee ini kúu i te ñatuu jáku'ni ini i, kovaa ñayii ndichi ma chi ndása'a i kuenda nawa sa'a i ma, te kee va'a i te kaku i nuu tnundo'o tnuneni ma.

Proverbios 28:26 ပူးပေါင်းရင်းမြစ်များ

Proverbios 2:12

Ja koo tnu'u ndichi ma ini anua ro a chi chindee ña'a i ja másu ko sa'a‑ka ro ja u'vi sukan ka sa'a ñayii inundee ini ma ja ndimaa ja u'vi ka ka'an i ma.

Proverbios 26:12

Iyo ñayii jani ini ja ndaka ja ká'an i ma te ndimaa ja va'a ka kuu te in ñayii ndichi kúu i jani ini maa i, kovaa ja ndaa kúu ja onde ñayii ndee ini ma chi iyo‑ka tnu'u kanu ini ja ndachu'un ini i te kee va'a i sana ñayii jani ini ja ñayii ndichi kúu i ma.

Proverbios 3:5

Ni‑yu'u ni‑ini ro kukanu ini ro Su'si ma nawa sa'a ro ma, te máko kukanu ini ro ja ja jani ini maa ro ma te kuu sa'a ro nawa kúni ro ma.

Proverbios 3:7

Máko kani ini ro ja maa ro kúu ñayii ndichi‑ka, su'va koyu'u Su'si iya ndákan kuenda ma, te kakayata nuu ja u'vi ma.

Romanos 8:7

Kovaa ja sukan játna ini yikikuñu o ma chi ñatuu játna ini Su'si ma, vaa ñatuu kándija i ja sa'a i sukan tátnuni Su'si ma, te ni masu kuu sa'a i, vaa ñatuu iyo i ji'in Su'si ma.

2 Timoteo 3:15

Vaa onde nuu luluu ni ma, ni kutu'va ni tnu'u Su'si o a. Te maa tnu'u Su'si o a kúu ja sa'a ndichi‑ka ña'a, ja na kukanu ini‑ka ni Cristo Jesús ma, sukan‑va'a ndani'i ta'vi ni.

Santiago 1:5

Nú nde o ja'ni ña'a i ja jakun‑tnuni ini o tnu'u ndichi ma, te kákan‑ta'vi o nuu Su'si ma, te taa ya. Vaa maa Su'si ma kúu iya taa ndaka ja jiniñu'u o ma, te masu ndákune'e ya naxe ni yo sa'a ni yo kuu o ma.