Proverbios 28:25 - New Testament Psalms and Proverbs in Mixtec Magdalena Peñasco

²⁵ Ñayii kueñu ini ma chi sa'a i ja jin kanaa ñayii ma, kovaa ñayii kúkanu ini Su'si ma chi sa'a maa Su'si Iya Tátnuni ma ja ko ni'i ko tna'a i.

Proverbios 28:25 ပူးပေါင်းရင်းမြစ်များ

Salmos 84:12

Su'si iya tátnuni nuu ndaka ángel ma, ¡Naka vii naka va'a kúu ñayii kúkanu ini ña'a i maa ni ma!

Proverbios 10:12

Ñayii chú'un ini nawa ni sa'a ña'a in‑ka ñayii ma te suu‑ni suu‑ni ndákune'e i ma chi ñatuu kúu koo mani i, kovaa ñayii kútoo tna'a ndija ma chi kánda i nekanu ini i nawa ni sa'a ña'a maa in‑ka ñayii ma.

Proverbios 10:3

Vaa Su'si ma chi masu kua'a ya tnu'u ja ko kokon ko yichi ñayii sa'a ja va'a ja ndaa ma, kovaa ñayii ka sa'a nanimaa ja u'vi ma chi kua'a Su'si ma tnu'u, te jin ndando'o jin ndaneni maa i ja u'vi ka sa'a i ma.

Proverbios 11:25

Vaa ñayii sii ini chíndee i in‑ka ñayii ma chi ndimaa ko ni'i ko tna'a i, te ñayii ndimaa chíndee i in‑ka ñayii ma chi koo tna ñayii ndachindee ña'a te ñatuu nawa ka'ni ña'a i ja jin ko kuu i.

Proverbios 13:10

Ñayii jani ini ja maa i kúu‑ka ma chi yika‑ni ja ndúku i kúu ja kanaa i ji'in in‑ka ñayii ma, kovaa ñayii jan‑ta'vi ja ka ndaka'an so'o i nuu i ma chi in ñayii ndichi kúu i.

Proverbios 13:4

Ñayii kuxi ma chi ndíyo ini i kua'a ja koneva'a i kovaa masu nawa ni'i i, kovaa ñayii ndí ini ja satniñu i ma chi ve ni'i ve tna'a‑ka i.

Proverbios 15:18

Ñayii yachi xeen ndákiti ini ma chi ja sa'a i kúu ja skanaa tna'a i, kovaa ñayii kuee ini ma chi sa'a i ja ka iyo mani ñayii ma.

Proverbios 15:27

Ñayii ndiyo ini ma chi sa'a nda'vi sa'a kee i ñayii ve'e i ma, kovaa ñayii ñatuu játna ini ja sa'a i sukan ma chi jin koo va'a‑ka i ve'e i ma.

Proverbios 15:30

Ñayii nde'ya vii nde'ya va'a ña'a ma chi sa'a i ja kúsii ini ini anua o ma, te ora ka ndakani i tnu'u vii tnu'u va'a ma chi ndátaa i tnu'u ndee tnu'u ndatnu.

Proverbios 21:24

Ñayii kúvixi maa i ja maa i kúu‑ka ma chi kúneé kú‑uun‑ni maa i, vaa ñayii ndee ini kúu i.

Proverbios 22:10

Máko kuan‑ta'vi ni ñayii ndee ini te so'o kaa i ma nuu iyo ni a, sukan‑va'a na naa maa ja u'vi ma te masu na in kanaa‑ka, te ni a ko skiti tna'a‑ka ini i.

Proverbios 29:22

Tee ndimaa ndákiti ini ma chi ndimaa ja kanaa de kúni de, kovaa ja sukan kúu de ma chi ndimaa jiso kuechi de.

Proverbios 29:25

Ñayii koyu'u in‑ka ñayii ma chi ja xnda'vi ña'a ja u'vi ma kúu, kovaa ñayii kúkanu ini Su'si ma chi koo va'a i te koo jayiñu'u i.

1 Timoteo 6:6

Ja ndaa kúu ja nuna jin ko sa'a o sukan játna ini Su'si ma chi jin ko ni'i jin ko tna'a o ja taa maa Su'si ma. Sa'a ko kuu ji'in ñayii ka iyo sii ini i ji'in nawa ka neva'a i ma‑ni.