Proverbios 28:23 - New Testament Psalms and Proverbs in Mixtec Magdalena Peñasco

²³ Ñayii ndáka'an‑so'o nuu in‑ka ñayii ma chi visi kuee‑ka ma chi jin ndaka'an vii jin ndaka'an va'a ñayii ma ja kuu i, kovaa masu sukan ko kuu ji'in ñayii yika‑ni ja ka'an i tnu'u vii tnu'u luu ja kuu in‑ka ñayii ma te masu ndija i ma.

Proverbios 28:23 ပူးပေါင်းရင်းမြစ်များ

Salmos 141:5

¡Naka vii naka va'a ko kuu ja ñayii sa'a ja va'a ja ndaa ma, te suu i jin ko kuu ñayii jin ndaka'an‑so'o nuu sa a, nú masu va'a‑ni sa'a sa ma! Chi ja sukan ma chi kuenda tnu'u ja sukan kúu ndute jáxiko asi ka chi'i ñayii ma maa i ma ko kuu ja ndaka'an‑so'o ñayii ma nuu sa ma. Te saña chi koniniso'o sa ja ndaka'an ja ndakachi i nuu sa ma, te ma saxiko sa, vi Su'si. Visi tnundo'o xeen sukan jin ndaka'an‑so'o i ma, kovaa saña chi kakan‑ta'vi kakan‑ta'vi sa nuu ni ja ñayii ka sa'a ja u'vi ma, te máko jin ko sa'a‑ka i, vi Su'si.

Proverbios 24:25

Kovaa tee ka ja'nde tniñu ma, nuna jin xndo'o de ñayii ndiso kuechi ma chi ke koo va'a‑ka de, vaa ndaka ñayii ma chi jin ka'an va'a i ja jin kuu de.

Proverbios 29:5

Ñayii ká'an vii ja kuu ñayii ketna'a ini ji'in i ma te masu ûni ndija i ja ká'an i ma chi ja ndúku i kúu ja ñayii nda'vi yukan te kendeka i te skenaa i maa i ma.

Mateo 18:15

’Chukan kúu ja nú tna'a ni ma sa'a ña'a i in ja u'vi, va'a‑ka kuá'an ni, te nduu‑ni maa ni ji'in i, te kuña'a ni nde a kúu ja u'vi ni sa'a ña'a i ma. Te nuna koniniso'o i ja ka'an ni ji'in i ma te ndakani ndaka'vi ini i chi jâ ni kundee ni ja ni ndumani ni ji'in i.

Gálatas 2:11

Kovaa nuu ni jaan Pedro ma ñuu Antioquía ma, te ni ndaka'an‑so'o sa nuu de, vaa jiso kuechi de ja sa'a de sa'a ma.