Proverbios 28:18 - New Testament Psalms and Proverbs in Mixtec Magdalena Peñasco

¹⁸ Ñayii ñu'u kaji ñu'u va'a ini ma te sa'a i ja va'a ma chi kaku i nuu ja u'vi ma, kovaa ñayii so'o xeen kaa te sa'a ndeva'a i in‑ka ñayii ma chi sanaa sanaa‑ni kotuu i te skenaa i maa i sukan ni kuni i ja ndo'o neni in‑ka ñayii ma.

Proverbios 28:18 ပူးပေါင်းရင်းမြစ်များ

Salmos 125:5

Kovaa ñayii ni ka kusiin ma te ka sa'a i ja u'vi ma, chi maa Iya Tátnuni ma, jin nu chunee ya i nuu ka iyo ñayii ka sa'a ja u'vi ma. Kovaa ñayii ñuu Israel ma, na jin koo mani i.

Salmos 25:21

Te ûni ni‑yu'u ni‑ini sa ká'an sa nuu ni a, te másu xnda'vi ña'a sa, vaa jini maa ni ja masu na ja u'vi sa'a sa, vaa kúkanu ini ña'a sa ja maa ni, te koo va'a sa.

Salmos 26:11

Kovaa saña chi ni‑yu'u ni‑ini sa kondikin ña'a sa, te kunda'vi ini ña'a ni, te chindee ña'a ni ja na kaku sa nuu ja u'vi ma.

Salmos 84:11

Vaa nuu iyo ni a chi kaji kaji ndíi sukan ndíi kandii ma, te maa ni jasi ndee jasi ndoso ña'a ja na kaku sa nuu ja u'vi ma, vi Su'si. Te skuta'vi ña'a ni ja vii ja va'a, te koo jayiñu'u sa, vi Su'si Iya Tátnuni. Vaa Su'si ma chi masu kendee ya ja vii ja va'a ka kuta'vi ñayii ka sa'a ja va'a ja ndaa ma.

Proverbios 10:25

Ñayii sa'a ja u'vi ma chi sukan‑ni yá'a tikachiyaa xeen ma sukan‑ni kúu i, vaa nunuu‑ni iyo i te náa i, kovaa ñayii sa'a ja va'a ja ndaa ma chi ni‑kani ni‑jika koteku i.

Proverbios 10:27

Ñayii yu'u Su'si ma te ñatuu sa'a‑ka i ja u'vi ma chi kani kani koteku i, kovaa ñayii sa'a ja u'vi ma chi ndate'nde sava sukan iyo ja koteku i ma.

Proverbios 10:9

Ñayii jika ndaa jika ndija ma chi masu nawa yu'u i ndenu kua'an ndenu vee i vaa ja va'a sa'a i ma, kovaa ñayii sa'a ja u'vi ma chi ndí ini xeen i nasa yukan te ndatuu ja u'vi sa'a i ma.

Proverbios 28:10

Ñayii sa'a ja u'vi ma te ska'an i ñayii ka sa'a ja va'a ja ndaa ma ja jin sa'a tna i ja u'vi ma chi su'va maa i ndando'o ndaneni sukan kúni i ja ndo'o in‑ka ñayii ma. Kovaa ñayii ndimaa sa'a ja va'a ja ndaa ma chi ja vii ja va'a kuta'vi i.

Proverbios 28:6

Ja va'a‑ka kúu ñayii nda'vi ma ja ndimaa jani va'a ini i te ñatuu nde xnda'vi i in‑ka ñayii ma sana ñayii kúxiku ma te ndee xeen ini i te so'o kaa i ma.

Gálatas 2:14

Kovaa nuu ni jini sa ja masu ka jika ndaa de sukan ká'an tnu'u vii tnu'u va'a Su'si ma, te ni jiña'a sa Pedro ma nuu ndaka ñayii ka iyo ma: “Ndijin ja kúu ni judío a te jâ ni jaku'ni ini ni ja másu ko sa'a‑ka ni sukan ka kuu ñayii judío ma, vaa ora iyo ni nuu ka iyo ñayii masu judío ka kuu i ma, te sa'a ni sukan kúni Su'si ma, te vitna ¿nava'a xtetuu ni ñayii masu judío ka kuu i ma ja jin ko sa'a‑ka i sukan ka sa'a ka kuu‑ka ñayii judío ma?

1 Tesalonicenses 5:3

Nú ñayii ma, ka ka'an i: “Ndaka iyo nañii”, sani te kenda yachi ja jin ndo'o jin neni ñayii ma. Sukan keja'a ja u'vi in ña'a ja kâku sa'ya ña ma, sukan jin ndo'o i, te ñatuu ndenu kuu jin chu'u i ja jin kaku‑ka i.

Apocalipsis 3:3

Ndaka'án tnu'u vii tnu'u va'a ni kutu'va ro ma, te ndakani ndaka'vi ini te ndakokuiñi ichi ri a, te ndakoto va'a ja ni kunda'a ro ma. Kovaa nú ma ndakoto va'a ro, te kenda ri nuu iyo ro a, sukan kénda in kui'na, te ni ma kuni ro na ora kenda ri nuu iyo ro a.