Proverbios 28:14 - New Testament Psalms and Proverbs in Mixtec Magdalena Peñasco

¹⁴ Naka vii naka va'a kúu ñayii ndimaa jito va'a i maa i te ñatuu sa'a i ja u'vi ma vaa yu'u i Su'si ma, kovaa ñayii ndee xeen ini ma chi ja u'vi ma‑ni ndetu ña'a.

Proverbios 28:14 ပူးပေါင်းရင်းမြစ်များ

Salmos 112:1

¡Naka vii naka va'a kúu ñayii yu'u Su'si ma te ñatuu sa'a‑ka i ja u'vi ma! Te sii ini xeen iyo i ja sa'a i sukan tátnuni ya ma.

Salmos 16:8

Saña chi ni yo jini sa ja ndimaa yoxtnuu kua'an yoxtnuu vee Iya Tátnuni ma nuu sa a. Vaa maa ya iyo ichi xiñi kua'a sa ya, te ûni konukuiñi vava'a sa, te másu nawa sa'a ja kotuu sa.

Salmos 2:11

Jin kunukuechi ni nuu Iya Tátnuni ma, te jin koyu'u ni ya, vaa ndakan ya kuenda naxe ka sa'a ka kuu ni ma. Chukan kúu ja jin koo sii ini ni, te jin ndachiñu'u ni ya.

Salmos 95:8

“Máko jin sa'a ndee ni ini anua ni a, sukan ni ka sa'a so'o tna'a ni ma nuu nani Meriba ma, ji'in sukan ni ka sa'a i kivi nuu ni ka iyo i nuu nani Masah ma nuu ñatuu kuiti nawa iyo ma.

Proverbios 23:17

Máko ko kukueñu ini ro ja ka sa'a maa ñayii ma ja u'vi ma, su'va ku'un ku'un‑ni ini ro ja koo va'a ro nuu Su'si ma, vaa iya ndákan kuenda kúu ya, te koyu'u ro ya vaa masu kachi ya,

Proverbios 29:1

Ñayii ndee ini ma, te nuna ndaka'an‑so'o o nuu i ma, te su'va sa'a ndee‑ka i ini i ma chi sanaa sanaa‑ni, te kenda in tnundo'o nuu i ma, te ni ma nduva'a‑ka i.

Romanos 11:20

Chi vaa kuechi ja ñatuu ni ka kukanu ini i Su'si ma, te ni xtandiyo ya i. Kovaa ndijin chi jâ ka ndenee va'a ni, kuechi ja ka kukanu ini ni ya a. Chukan kúu ja máko jin ko sa'a vixi ni maa ni, su'va jin koyu'u ni, te máko jin ko sa'a ni in ja ñatuu játna ini Su'si ma.

Romanos 2:4

¿Xi saxiko ni ja vii ja va'a sukan kuee ini ya ma vaa kútoo ña'a ya ma? ¿Te ñatuu ndása'a ni kuenda ja va'a ini ya kúu, chukan kúu ja káxtnu'u ya ichi ndaa ko kaka ni ma, sukan‑va'a ndakani ndaka'vi ini ni te kondikin ni Su'si ma?

Romanos 2:5

Kovaa ja sukan ndee ini ni a te ñatuu ndákani ndáka'vi ini ni a, sa'a ni ja ndákiti xeen ini Su'si ma nuu ni, kivi kenda ja ndakan ndi'i ndakan tu'u ya kuenda nawa ni yo sa'a, ni yo kuu ni ma.

Hebreos 4:1

Chukan kúu ja yo'o, vitna ja nune‑ka nuu ni satu'va Su'si ma ja jin kivi koo o te kuu jin ndatatu o ma, sukan ni skuiso ya ma, jiniñu'u ja jín ko ndi ini o, nasa yukan, te nde ni masu kundee ja kenda ni yukan.

1 Pedro 1:17

Nú ka ka'an ni ja Yuva ni kúu Su'si ma iya ñatuu sa'a siin ni a in ñayii ma, su'va inuu sa'a ya ji'in ndaka o, te sa'a ndaa ya ndaka ja ka sa'a in in o ma, te jin koyu'u ni ya ndi‑kivi ndi‑kivi nani ka iyo o ñuu ñayivi ya, nasa jin sa'a ni in ja masu játna ini ya ma.