Proverbios 28:10 - New Testament Psalms and Proverbs in Mixtec Magdalena Peñasco

¹⁰ Ñayii sa'a ja u'vi ma te ska'an i ñayii ka sa'a ja va'a ja ndaa ma ja jin sa'a tna i ja u'vi ma chi su'va maa i ndando'o ndaneni sukan kúni i ja ndo'o in‑ka ñayii ma. Kovaa ñayii ndimaa sa'a ja va'a ja ndaa ma chi ja vii ja va'a kuta'vi i.

Proverbios 28:10 ပူးပေါင်းရင်းမြစ်များ

Salmos 139:24

Te nú kua'an sa ichi u'vi ma, má kua'a ni tnu'u, su'va ndaskaka ña'a ni ichi nuu koteku sa ni‑kani ni‑jika ma, vi Su'si.

Salmos 37:11

Kovaa ñayii inukuee ini ma chi jin kuta'vi i in ñu'ú va'a, te sii ini‑ni jin ndatatu i, te jin koo mani ndaka i.

Salmos 57:6

Te ni ka skuili i yo'o ichi kua'an sa ma, ja ni ka jani ini i ja jin ke'en‑su'va ña'a i, te ni kuxii xeen ini anua sa ya. Te ni ka jate i yavi ichi kua'an sa ma xi ma kêe sa nkuu, ka kuni i. Kovaa maa i ni ka ndê koo ini yavi ni ka sa'a i ma.

Salmos 9:15

Ndaka ñayii ñatuu ka kandija ña'a i maa ni ma, ni sa'a ni ja ni ka kêe koo maa i yavi nuu ni ka jate i ma, te ni ka nukun‑nee ja'a maa i nuu ni ka satu'va i ja jin tnii i ñayii xi‑nuu ka kuni u'vi i ma.

Proverbios 10:3

Vaa Su'si ma chi masu kua'a ya tnu'u ja ko kokon ko yichi ñayii sa'a ja va'a ja ndaa ma, kovaa ñayii ka sa'a nanimaa ja u'vi ma chi kua'a Su'si ma tnu'u, te jin ndando'o jin ndaneni maa i ja u'vi ka sa'a i ma.

Proverbios 15:6

Ñayii sa'a ja va'a ja ndaa ma chi ko ni'i ko tna'a i ja koneva'a i ve'e i ma, kovaa ñayii sa'a ja u'vi ma chi visi na ni'i i ja koneva'a i ma, kovaa ndimaa koo tnundo'o tnuneni nuu i ma.

Proverbios 2:21

Vaa kona'a ro ja ñayii ni‑yu'u ni‑ini i ndikin i Su'si a te sa'a i ja va'a ja ndaa ma chi koo i ni‑kani ni‑jika nuu ñu'ú ká'an maa ya ma.

Proverbios 21:20

Tee ñu'u kaji ñu'u va'a ini ma chi ve'e de ma chi ñatuu nawa ja'ni ña'a i te vivii ka kuu de, kovaa tee ñatuu ñu'u kaji ini ma chi ndi'i ja neva'a de ma ndáxiko de te xnaa de kua'an de.

Proverbios 26:27

Ñayii jate in yavi sukan‑va'a kêe in‑ka ñayii ma chi maa i ndêe nuu ni jate i ma, te ñayii skana in yuu ja xnduva i in‑ka ñayii kúni i ma, chi maa i ndaxnduva ña'a yuu ma.

Proverbios 28:18

Ñayii ñu'u kaji ñu'u va'a ini ma te sa'a i ja va'a ma chi kaku i nuu ja u'vi ma, kovaa ñayii so'o xeen kaa te sa'a ndeva'a i in‑ka ñayii ma chi sanaa sanaa‑ni kotuu i te skenaa i maa i sukan ni kuni i ja ndo'o neni in‑ka ñayii ma.

Mateo 6:33

Ndijin, jin ndanduku ni xinañu'u kuiti‑ka sukan tátnuni Su'si ma, ji'in sukan sa'a ndaa ya ma, te ndaka cha'a, te kenda koo kuee‑ka ndi‑tna'a ka jiniñu'u ni ma.

Gálatas 2:4

Kovaa ni yo jan koo yu'u tee ja ka sa'a de tnu'u ja ni ka nduu tna de sa'ya Su'si ma, sukan‑va'a jin koto yu'u ña'a de nú ka ndikin‑ka o sa'a o sukan ni tatnuni Moisés ma, vaa ka kuni de ja jin xtetuu ña'a de ja sukan‑ni jin ko sa'a‑ka o.

Hebreos 6:12

sukan‑va'a máko jin kava kuxi ni, su'va jin sa'a ni sukan ni ka yo sa'a tna'a o ma, ja ni ka yo kukanu ini de Su'si ma, te ni ka kanda de, te ni ka ni'i de ja ni skuiso Su'si ma.

1 Pedro 3:9

Te nú na in sa'a ña'a ja u'vi, máko jin ndasa'a ni i ja u'vi. Nú na in ká'an ja u'vi ja jin kuu ni, máko jin ndakone'e ni ja u'vi ja kuu i chi su'va jin ka'an ni ja vii ja va'a ja kuu i, vaa yo'o chi ni ndakana ña'a Su'si ma ja jin ka'an vii jin ka'an va'a o, te sukan, te jin ni'i o ja vii ja va'a ja taa maa Su'si ma.

Apocalipsis 2:14

’Kovaa iyo jaku ja ñatuu játna ini ri ja sa'a ro a, vaa wa'a ro tnu'u nuu ka iyo ro a ka iyo tna ñayii ka ndikin sukan ni yo kaxtnu'u Balaam ma nuu Balac ma ja kuu jin kaa ñayii Israel ma ja ni ka yo sonee i nuu ja masu Su'si ka kuu ma, ji'in ja jin kivi nduu i ji'in ndi‑in ndi‑in ña'a ma, te ña'a ma ja jin kivi nduu ña ji'in ndi‑in ndi‑in tee ma, te sukan, te ka sa'a i ja ñatuu játna ini Su'si ma.