Proverbios 28:1 - New Testament Psalms and Proverbs in Mixtec Magdalena Peñasco

¹ Ñayii sa'a ja u'vi ma chi yu'u xen‑xeen i te jinu i kua'an i, vaa jani ini i ja ndimaa ka iyo ñayii ka sondikin ña'a, kovaa ñayii sa'a ja va'a ja ndaa ma masu nawa yu'u i, sukan kúu ndika'a ma sukan kúu i, vaa kúkanu ini i ja masu na in kundee nuu i.

Proverbios 28:1 ပူးပေါင်းရင်းမြစ်များ

Salmos 112:7

Te másu koyu'u i, visi na kenda tnundo'o tnuneni nuu iyo i ma, vaa ini anua i ma chi kúkanu ini i Su'si ma, te nuu maa in‑ni ya kúkanu ini i.

Salmos 53:5

Kovaa jin ndayu'u xen‑xeen maa i, visi ñatuu nawa iyo ja jin koyu'u i. Te sa'a ya ja jin ndatna'a maa i ja kan‑nuu, vaa ñatuu kúni ya ja jin koo kaa i ji'in ñayii ka sa'a ja va'a ma. Vaa Su'si ma chi ndasa'a siin ya onde yiki ñayii ñatuu ni ka yo kunimani nuu ñayii ñuu ya ma.

Salmos 53:6

¡Nuna kava va'a ini maa Su'si ma, te onde ñuu nuu iyo ya ma, te sa'a ya ja na jin kaku ñayii ñuu Israel ma nuu ja u'vi ma! Te kivi sa'a Su'si ma ja ndaka ñayii ni ka jitenuu te ni ka yo jinukuechi i nuu in‑ka ñuu ma, te jin ndakokuiñi i ñuu maa i ma. Sani te jin ndusii ini xen‑xeen ndaka sa'ya tata Jacob ma, ja ka kuu i ñayii ñuu Israel ma.

Proverbios 10:9

Ñayii jika ndaa jika ndija ma chi masu nawa yu'u i ndenu kua'an ndenu vee i vaa ja va'a sa'a i ma, kovaa ñayii sa'a ja u'vi ma chi ndí ini xeen i nasa yukan te ndatuu ja u'vi sa'a i ma.

Proverbios 27:27

Te koo kua'a lechi ndixi'yu ni ma ja jin ko'o ni ji'in sa'ya ni ma ji'in ñayii ka satniñu ve'e ni ma, sukan‑va'a jin koo ndee jin koo ndatnu ni.

Hechos 14:3

Chukan kúu ja Pablo ma ji'in Bernabé ma, ni ka kendoo de kua'a‑ka kii ñuu yukan, te ni ka yo kukanu ini de nuu maa Iya Tátnuni ma, te ni ka kaxtnu'u de tnu'u maa ya ma sukan skuta'vi ya ñayii ma ja vii ja va'a ma, te maa ya ni wa'a tnu'u ndee tnu'u ndatnu ja jin sa'a de milagru ma, te sukan ni kaxtnu'u ya nuu ñayii ma ja ja ndaa ndija kúu tnu'u ka ka'an de ma.

Hechos 4:13

Ni ka jini tee ka netniñu ma ja Pedro ma ji'in Juan ma chi ûni masu ka yu'u de te ka ka'an de ma, te vitna ja masu tee ni ka skua'a ka kuu de. Chukan kúu ja ni ka sa'vi‑nka ini de, te ni ka ndakunitnuni de ja tee ni ka iyo ji'in Jesús ma ka kuu de.

1 Tesalonicenses 2:2

Vaa ka jini ni ja visi ni ka xndo'o, ni ka xneni ña'a ñayii ñuu Filipos ma, kovaa maa Su'si ma ni chindee ña'a ja ni ka kusaa ini sa, te ni jan koo sa nuu ka iyo ni a, te ni ka kaxtnu'u sa tnu'u vii tnu'u va'a ya ma nuu ni a, visi kua'a ñayii ni ka yo ja'nu ndee ma.