Proverbios 27:18 - New Testament Psalms and Proverbs in Mixtec Magdalena Peñasco

¹⁸ Ñayii jito tnu nde'ya higo ma chi kaa i higo kuun ma, te ñayii jito va'a nawa ni xndoo tee kúu jito'o i ma nuu nda'a i ma chi ndachiñu'u ña'a jito'o i ma ja vava'a ni sa'a i ma.

Proverbios 27:18 ပူးပေါင်းရင်းမြစ်များ

Salmos 123:2

Te nde'ya nda'vi nde'ya kee ña'a sa, sukan‑va'a xi ma kunda'vi ini ña'a ni, vi Su'si. Sukan nda'vi nde'ya in tee jinukuechi nuu jito'o de ma ja na kunda'vi ini ña'a jito'o de ma, sukan kúu sa nuu ni. Xi sukan nda'vi nde'ya in ña'a jinukuechi nuu jito'o ña ma ja na kunda'vi ini ña'a jito'o ña ma, sukan kúu sa nuu ni, vi Su'si.

Proverbios 17:2

In ñayii ndichi ma, te visi suchi jinukuechi kúu i ma chi kuu tatnuni‑ka i sana sa'ya jito'o i ma ja so'o xeen kaa i nuu de ma, te ora jin ni'i sa'ya jito'o i ma ta'vi i ma chi suni ni'i tna suchi jinukuechi ma ja kuu ta'vi i.

Proverbios 22:29

Ñayii satniñu va'a ma chi kuu i kunukuechi i nuu rey ma, te masu nuu ndeva'a‑ni ñayii kunukuechi i.

Proverbios 27:17

Kaa ma chi ndi-tna'a kaa i ma, te kúu ka ndene'e tna'a i nuu i te ka nduxeen i, te suni sukan ka kuu tna ñayii ma, vaa ja ka nde'ya i sukan sa'a in‑ka ñayii ma, te ka kutu'va i sukan jin sa'a tna maa i ja va'a ma.

Proverbios 27:19

Nuna koto nuu o nuu ndute ma chi ndakuni o nuu o a, te ja sukan jani ka'vi ini ñayii ma te ndása'a o kuenda nú ñayii va'a kúu i xi ña'a.

Mateo 24:25

¡Chukan kúu ja jin konee ni cuidado! Ndaka jâ xtu'va ña'a sa a, sukan‑va'a ma jin xnda'vi ña'a de.

Mateo 24:46

Ja vava'a ko kuu tee jinukuechi nuu jito'o de ma, nuna ndenda jito'o de ma te ndani'i ña'a de ja yikuu de sa'a de sukan ni tatnuni tee ma ja sa'a de ma.

Marcos 10:43

Kovaa ne'un ndijin, masu sukan ko kuu, su'va nú na in kúni ja ko kuu i in ñayii kanuu‑ka ne'un ndaka ni a, ja sa'a i kúu ja kunukuechi‑ka i nuu ndaka ni.

Lucas 12:37

Vava'a jin kendoo ñayii ka jinukuechi ma, nú jito'o i ma, ndenda de te ndani'i ña'a de ja ka ndito i ma. Ja ndaa ká'an sa ja maa tee kúu jito'o i ma, satu'va de, te ndasunkoo ña'a de nuu mesa ma, te maa de kani ko'o nuu i ma.

Lucas 12:42

Iya Tátnuni ma, jiña'a ya: ―‍Jin ndasa'a ni kuenda te jin ko kuu ni sukan kúu tee ñukuun ñukuun jinukuechi va'a nuu jito'o de ma. Chukan kúu ja ni sacargu ña'a jito'o de ma ja na katanuu de kuá'a de ja jin kaa ndaka ñayii ve'e jito'o de ma maa ora jiniñu'u ja jin kaa i ma.

Lucas 19:17

Te rey ma, ni ndakone'e de: “Va'a‑ni, vaa ñayii jinukuechi va'a kúu ni. Ja ni jito va'a ni jaku ja ni taa sa ma, te vitna, te tatnuni ni nuu uxi ñuu a”, kúu de jiña'a de.

Juan 12:26

Nú na in kúni ja kunukuechi i nuu sa, kóndikin ña'a i, te nuu koo sa ma, yukan koo tna ñayii jinukuechi nuu sa ma. Nú na in jinukuechi nuu sa ma, chi sa'a Yuva sa ma ja koo jayiñu'u i ―‍kúu ya jiña'a ya.

Hechos 10:7

Nuu ni jinu ni ka'an ángel ma te kuan no'o i ma, sani te Cornelio ma, ni kana de uu tee ka jinukuechi nuu de ma ji'in in soldado tee kándija tna Su'si ma tee jinukuechi nuu de ma.

1 Corintios 3:8

Te inuu ka kuu ñayii ni sunkoo ma ji'in ñayii yoso ma, kovaa maa maa i jin ndani'i sukan ni ka satniñu i nuu Su'si ma.

1 Corintios 9:13

¿Xi ñatuu ka ndaka'án ni ja ñayii ni ka yo satniñu nuu Su'si ma ini veñu'u ka'nu ma, ni ka yo jaa i ja ni yo jan koo ñayii ma ni ka yo jan xsia'a i ma? Te ñayii ni ka yo jinukuechi nuu altar nuu ka ndakua'a ñayii ma kiti nuu Su'si ma, ni ka yo jaa i vala ja ni ka yo wa'a ñayii ma.

1 Corintios 9:7

¿Xi na in ja kúu de soldado te ndáchuya'vi de maa de? ¿Xi na in sunkoo tnu uva ma ja masu kaa i ja kuun ma? ¿Xi na in jito kiti i ma ja masu ko'o i lechi ti ma?

Colosenses 3:22

Ndijin ja ka satniñu ni nuu jito'o ni ma, jin kandija ni ndaka nawa tátnuni de ma, te másu ko jin sa'a ni ja ka satniñu ni yika‑ni ora ka nde'ya de ma, sukan ka sa'a ñayii ka nduku ja jin kuatnu'u ini ña'a ñayii ma‑ni. Su'va ndijin chi ni‑yu'u ni‑ini ni jin satniñu ni, vaa ka na'a ni ja nde'ya ña'a Iya Tátnuni ma.

2 Timoteo 2:6

Te suni sukan kuiti kúu tna ji'in tee jitu itu de ma, ja sáka de nawa kúni de ja koneva'a de ma chi xinañu'u satniñu ñukuun de, sana ku'un ini de ja kuu itu de ma te koo ja ndaxtutu de.

1 Pedro 2:18

Ndijin ja ka satniñu ni nuu in‑ka ñayii ma, jin kava respetu ni, te jin kandija ni ndaka ja ka ka'an i ma, masu yika‑ni ja nuu ñayii va'a ini ma chi onde nuu ñayii ñatuu va'a ini ma. Visi ma kundee ini o, kovaa kanda o.

1 Pedro 2:21

Vaa Cristo ma chi ni ndo'o ni neni ya ja jin kuu o, te sukan ni kaxtnu'u ya ja jin ko sa'a o. Chukan kúu ja ni ndakana ña'a ya ja jin kondikin o sukan ni kaxtnu'u ya ma.