Proverbios 26:4 - New Testament Psalms and Proverbs in Mixtec Magdalena Peñasco

⁴ Ñayii so'o kaa i ma chi visi ká'an neé ká'an uun i nuu o ma, kovaa máko ndakone'e o nuu i sukan ká'an maa i ma. Nú ña'a te ko kuu tna o sukan kúu i ma.

Proverbios 26:4 ပူးပေါင်းရင်းမြစ်များ

Proverbios 17:14

Ñayii skeja'a ja kanaa i ma chi kuenda tnu'u ja ni ndakune i in nuu ñu'u ndute kua'a xeen ma te kua'a ja xnaa de ma, sukan kúu i, kovaa yo'o chi va'a‑ka ja kakayata o nuu ñayii yukan sana ja kuka'nu‑ka te kanaa o ji'in i.

Proverbios 23:9

Te máko ko ndaka'an ko ndakachi ni nuu ñayii so'o xeen kaa i ma, vaa masu ke'en kuenda i chi su'va jakundee ña'a i ndaka tnu'u va'a tnu'u ndichi kuña'a ni ma.

Proverbios 26:5

Ñayii so'o kaa i ma chi ora ká'an neé ká'an uun i nuu o ma, te ndákone'e o nuu i sukan ká'an maa i ma, sukan‑va'a na ndasa'a i kuenda ja ká'an i ma te máko kani ini i ja in ñayii ndichi kúu i ja sukan jani ini i ma.

Proverbios 29:9

Nú in ñayii ndichi ma, te jakituu tna'a i ji'in in ñayii ndee ini ma, chi masu nawa kundee kuiti i, vaa ñayii ndee ini ma chi kuu ndakiti ini i xi jakundee i ñayii ndichi ma‑ni.

Mateo 7:6

’Má jin kua'a ni ja ii ma nuu la‑ina ma, nasa jin ndakokuiñi ti te jin sa'a kuechi jin sa'a likin ña'a ti. Te má jin tnaa ni perla vivii ma nuu chikini ma, nasa jin kuiñu ti.

1 Pedro 3:9

Te nú na in sa'a ña'a ja u'vi, máko jin ndasa'a ni i ja u'vi. Nú na in ká'an ja u'vi ja jin kuu ni, máko jin ndakone'e ni ja u'vi ja kuu i chi su'va jin ka'an ni ja vii ja va'a ja kuu i, vaa yo'o chi ni ndakana ña'a Su'si ma ja jin ka'an vii jin ka'an va'a o, te sukan, te jin ni'i o ja vii ja va'a ja taa maa Su'si ma.

Judas 1:9

Ni a ángel Miguel ma, masu ni ka'an ndeva'a i te ni masu ni ka'an u'vi i ja kuu tachi ma, nuu ka kanaa ndee i ñunde'yu Moisés ma. Su'va jiña'a i: “Maa Su'si ma ndakan kuenda nuu ro”, kúu i jiña'a i.