Proverbios 26:3 - New Testament Psalms and Proverbs in Mixtec Magdalena Peñasco

³ Ka yinda'a o yutnu xii ma ja kua'a o caballu ma, te ku'ni o yu'u burru ma sana jaku'ni ini ti ma, te suni sukan yutnu xii ma chi ja ke'en o yata ñayii ndee ini ma kúu.

Proverbios 26:3 ပူးပေါင်းရင်းမြစ်များ

Salmos 32:9

Máko kuu ni sukan kúu in caballu xi sukan kúu in mula, ja ñatuu ka jaku'ni ini ti ma, vaa inundee xeen ini ti, te nde nini ja jin kinee kaa yu'u ti ma te jin konu'ni i ji'in in yo'o, vaa nú ña'a chi másu jan koo ti jan tu'va ña'a ti”, kúu ya ká'an ya.

Proverbios 10:13

Ñayii jini tnu'u ndichi ma chi nanimaa tnu'u ndichi ma ká'an i, kovaa ñayii ñatuu ndása'a kuenda naxe ko sa'a ko kuu i ja va'a ma, chi ja kuta'vi i ko kuu yutnu xii ma te ndo'o neni maa i.

Proverbios 17:10

Ñayii ndása'a kuenda ma chi ja ka ndaka'an‑so'o ñayii ma nuu i ma, sani te jáku'ni ini i, kovaa ñayii ndee ini ma chi visi cientu jichi na jin kua'a ña'a i yutnu xii chi masu jaku'ni ini i.

Proverbios 19:25

Suchi ñatuu ka jandetu nuu yuva i ma te kani de i ma chi jin kuni jaku‑ka i ma, te jin koyu'u i, te ma jin sa'a‑ka i ja u'vi ma, vaa suchi ndichi ma chi ndaka ja na ndaka'an‑so'o o nuu i ma, sani te jaku'ni ini i ja sa'a i ja va'a ma.

Proverbios 19:29

Jâ iyo tu'va ja jin ndo'o jin neni ñayii ka jatna ini ja ma jin ka'an ndaa i ma, te suni jâ iyo tu'va yutnu xii ja jin ndo'o jin neni ñayii inundee ini ma.

Proverbios 27:22

Ñayii ndee xeen ini i ma te játna ini i ja sa'a so'o i ma, visi na xndo'o xneni xen‑xeen o i, kovaa ni masu jaku'ni ini maa i.

1 Corintios 4:21

¿Te naxe ka kuni ni? ¿Xi kinda'a sa in yutnu xii jaan sa, xi jaan sa ji'in tnu'u kuee tnu'u mani, sana kuu jin ndakaka ndaa ni nuu Su'si ma?

2 Corintios 10:6

Te saña chi ka iyo sa ja kuu jin sa'a sa ja jin ndo'o jin neni ñayii ñatuu ka kandija Su'si ma, nuna jin sa'a jin kuu ndaka‑ka ni sukan kúni Su'si ma.

2 Corintios 13:2

Ká'an sa nuu ñayii ni ka ndakuiso kuechi i ma ji'in nuu ndaka ni a, vitna ja ñatuu jaan‑ka sa nuu ka iyo ni a, te ndaxndaku ini ña'a sa sukan ni ka'an sa nuu ni jaan sa ja ku‑uu jichi ma. Vaa nuna jaan sa a chi ûni kene'e sa i nuu ka iyo ni a, onde nú ni ka ndakani, ni ka ndaka'vi ini maa i nuu Su'si ma.