Proverbios 26:12 - New Testament Psalms and Proverbs in Mixtec Magdalena Peñasco

¹² Iyo ñayii jani ini ja ndaka ja ká'an i ma te ndimaa ja va'a ka kuu te in ñayii ndichi kúu i jani ini maa i, kovaa ja ndaa kúu ja onde ñayii ndee ini ma chi iyo‑ka tnu'u kanu ini ja ndachu'un ini i te kee va'a i sana ñayii jani ini ja ñayii ndichi kúu i ma.

Proverbios 26:12 ပူးပေါင်းရင်းမြစ်များ

Proverbios 12:15

Ñayii so'o xeen kaa ma chi ndaka ja sa'a i ma chi jani ini i ja ja va'a kúu, kovaa ñayii ndichi ma chi ndimaa kándija i ja ka ka'an so'o ñayii ma nuu i ma.

Proverbios 22:29

Ñayii satniñu va'a ma chi kuu i kunukuechi i nuu rey ma, te masu nuu ndeva'a‑ni ñayii kunukuechi i.

Proverbios 26:16

Ñayii kuxi ma chi jani ini i ja maa i jini‑ka sana uja‑ka ñayii inundichi ndija ma ja kuu jin ndaka'an‑so'o i nuu suchi kuxi ma.

Proverbios 26:5

Ñayii so'o kaa i ma chi ora ká'an neé ká'an uun i nuu o ma, te ndákone'e o nuu i sukan ká'an maa i ma, sukan‑va'a na ndasa'a i kuenda ja ká'an i ma te máko kani ini i ja in ñayii ndichi kúu i ja sukan jani ini i ma.

Proverbios 28:11

Ñayii kúxiku ma chi jani ini i ja ñayii ndichi xeen kúu i, kovaa nuna kototnuni ña'a ñayii kúnda'vi‑ka ma te kuni maa i ja masu nawa jini kuiti ñayii kúxiku ma.

Proverbios 28:26

Ñayii kúkanu ini maa i ma ja va'a‑ni kúu ja sa'a i ma chi ñayii ndee ini kúu i te ñatuu jáku'ni ini i, kovaa ñayii ndichi ma chi ndása'a i kuenda nawa sa'a i ma, te kee va'a i te kaku i nuu tnundo'o tnuneni ma.

Proverbios 29:20

¿Jâ ni kuu jini ni in ñayii ja ni masu jani ini i te yachi‑ni ká'an i ma? Ja ká'an sa kúu ja iyo‑ka tnu'u kanu ini ja ndasa'a ñayii kúkuee ma kuenda sana ñayii ya'a.

Proverbios 3:7

Máko kani ini ro ja maa ro kúu ñayii ndichi‑ka, su'va koyu'u Su'si iya ndákan kuenda ma, te kakayata nuu ja u'vi ma.

Mateo 21:31

Te jin ka'an ni, ¿nde i ja nduu i ma ni sa'a sukan kúni yuva i ma? ―‍kúu ya jiña'a ya. Te ka jiña'a de: ―‍Suchi xinañu'u ma ―‍ka kuu de ka jiña'a de. Te Jesús ma, jiña'a ya: ―‍Ja ndaa ja ndaa ká'an sa ja tee ka ndake'en ya'vi xu'un no'o ñuu Roma ma, ji'in ña'a ka kuneé ka ku‑uun ma, ka yoxtnuu‑ka de ji'in ña jin kivi koo de nuu tatnuni Su'si ma sana ndijin.

Lucas 18:11

Tee kúu fariseo ma, núkuiñi de, te sa'a jikan‑ta'vi de: “Su'si, kuta'vi sa nuu ni, vaa masu kúu sa sukan ka kuu‑ka ñayii ma, ja ka sakui'na i ma, ja ka sa'a i ja u'vi ma, ja ka kivi nduu i ji'in in‑ka ña'a ma, te masu kúu sa sukan kúu tee yukan tee ndáke'en ya'vi xu'un no'o ñuu Roma ma.

Lucas 7:44

Sani te nde'ya Jesús ma ña'a ma, te jiña'a ya nuu Simón ma: ―‍¿Nde'ya ni ña'a ya'a? Ni kivi sa ve'e ni a, te ñatuu ni taa ni ndute ndondoo ja'a sa a. Kovaa ña'a ya'a, ni ndakate ña ja'a sa a ji'in ndute nuu ña a, te ni ndaxsichi ña ji'in ixi ña a.

Juan 9:41

Jesús ma, ni ndakone'e ya: ―‍Nute ndijin inukuaa ni chi masu jin kondiso kuechi ni. Kovaa ka ka'an ni ja ka kundijin nuu ni a te ka nde'ya ni. Chukan kúu ja jâ ka ndiso kuechi ni ―‍kúu ya jiña'a ya.

Romanos 12:16

In‑ni ja jin kani ini o, te má jin sa'a vixi o maa o, su'va jín nduku o ja jín ketna'a ini o ji'in ñayii nda'vi ka saxiko ña'a in‑ka ñayii. Má jin kani ini o ja in ñayii ndichi‑ka ka kuu o.

Apocalipsis 3:17

Vaa ká'an ro: Ru'u ya chi kúxiku ri, te ni kuxiku‑ni maa ri, te ñatuu nawa jiniñu'u‑ka ri, ká'an ro. Te masu jini ro ja masu iyo sii ini ro, su'va kunda'vi ro, te kuaa ro, te iyo vichi ro, te ni masu ja kuu kúu ro.