Proverbios 26:1 - New Testament Psalms and Proverbs in Mixtec Magdalena Peñasco

¹ Masu va'a‑ni ja kuun yu'va tiempu jite viyu ma, te ni masu va'a‑ni ja kuun savi tiempu iyo ja ndaxtutu o itu o ma, vaa ndi'i xtivi savi ma, te suni sukan kúu ji'in ñayii ndee xeen ini i ma, masu iyo i ja koo jayiñu'u i ma.

Proverbios 26:1 ပူးပေါင်းရင်းမြစ်များ

Salmos 12:8

Visi ni ka ndakonduu ña'a maa ñayii ka sa'a ja u'vi ma, te ndaka maa ñayii ka iyo ñuu ñayivi ya, ka jatna maa i ja jin sa'a i ja u'vi ma, te ka jani ini i ja vii xeen kúu, kovaa sa'a ni ja jin kaku saña nuu ja u'vi ma.

Salmos 15:4

Te suni saxiko i ñayii sa'a ja u'vi ma, kovaa ká'an vii ká'an va'a i ja kuu ñayii kándija tnu'u ká'an Su'si ma. Te sa'a i ja ni skuiso i ja sa'a i ma. Visi na ndo'o na neni i, kovaa masu ndaxsama i ja ni jani ini i ja sa'a i ma.

Salmos 52:1

Tee kanuu xeen, ¿nava'a kúvixi xeen ni, ja ndimaa ja u'vi ma sa'a ni? Te vitna ja Su'si ma ja kúu sa'a ya ndaka ma chi su'va ndimaa kúnda'vi ini ya ñayii ma.

Proverbios 17:7

Ñayii masu ndása'a kuenda ma te vivii ká'an i te ndúku i ja xnda'vi i in‑ka ñayii ma, chi ma kee va'a i. Te ni a tee tátnuni ma te ma ka'an ndaa de te xnda'vi de ñayii ma, masu kee va'a tna de.

Proverbios 19:10

Masu va'a‑ni ja ñayii so'o xeen kaa ma, te ko ni'i ko tna'a i kua'a ja vii ja va'a ma, te ni masu va'a‑ni ja ko tatnuni i nuu sa'ya tee ka ndanuu ma.

Proverbios 26:3

Ka yinda'a o yutnu xii ma ja kua'a o caballu ma, te ku'ni o yu'u burru ma sana jaku'ni ini ti ma, te suni sukan yutnu xii ma chi ja ke'en o yata ñayii ndee ini ma kúu.

Proverbios 26:8

Ja chíñu'u o ñayii ndee ini te so'o xeen kaa i ma chi kuenda tnu'u ja ni ju'ni o in yuu nuu yo'o nchuu ma te skuita nuu o kúni o ma kúu.

Proverbios 28:16

Tee kúu gobiernu ñatuu jáku'ni ini ma chi sakui'na de ja kúu kuenda ñayii ñuu ma, kovaa tee ñatuu játna ini ja ko ndiyo ini de ja kuu maa de ma chi koteku kani de.