Proverbios 25:13 - New Testament Psalms and Proverbs in Mixtec Magdalena Peñasco

¹³ Ñayii ûni sa'a nawa ni kukanu ini ña'a in‑ka ñayii ma ja sa'a i ma chi ûni sa'a i ja ndátatu ñayii ni tetniñu ña'a ja ki'in i jin kaxtnu'u i nuu in‑ka ñayii ma, vaa ûni sa'a ndija i ma. Te sukan kúu ndute vijin vijin ni'i o ja ko'o o ora i'ni xeen ma, sukan kúu ñayii sa'a ja ni tatnuni jito'o i ma.

Proverbios 25:13 ပူးပေါင်းရင်းမြစ်များ

Proverbios 13:17

Ñayii kúcargu in ja ki'in i jin kaxtnu'u i ma te nú ma ndakani ndaa i ma chi sa'a i ja kua'a tnundo'o jin tna'a ñayii ma, kovaa ñayii ndákani ndaa sukan iyo ma chi sa'a i ja ka iyo sii ini ñayii ma.

Proverbios 22:21

sukan‑va'a kutu'va ni tnu'u ndaa tnu'u ndichi ni kaxtnu'u sa a, te kuu kaxtnu'u ndaa ni nuu ñayii jin kakan‑tnu'u ña'a ma.

Proverbios 25:25

Sukan sa'a ndute vijin vijin iyo ma nuna ni'i o de ja ko'o o de ora yichi xen‑xeen o ma, sukan kúu tnu'u jiniso'o o ja ka iyo vii ka iyo va'a tna'a o ñayii ka iyo in‑ka ñuu onde jika ma.

Proverbios 26:6

Ja kukanu ini o ñayii ndee xeen ini ma te tetniñu o i ja ki'in i jin xsia'a i in xesoo chi kuenda tnu'u ja ni ja'nde o ja'a o ma te ndo'o neni o ja u'vi ma kúu.