Proverbios 25:12 - New Testament Psalms and Proverbs in Mixtec Magdalena Peñasco

¹² Sukan kúu in xe'e nanimaa oro xi in siki sukun nanimaa oro, sukan kúu ja ndáka'an‑so'o ñayii ndichi ma nuu ñayii niniso'o ñukuun ma.

Proverbios 25:12 ပူးပေါင်းရင်းမြစ်များ

Salmos 141:5

¡Naka vii naka va'a ko kuu ja ñayii sa'a ja va'a ja ndaa ma, te suu i jin ko kuu ñayii jin ndaka'an‑so'o nuu sa a, nú masu va'a‑ni sa'a sa ma! Chi ja sukan ma chi kuenda tnu'u ja sukan kúu ndute jáxiko asi ka chi'i ñayii ma maa i ma ko kuu ja ndaka'an‑so'o ñayii ma nuu sa ma. Te saña chi koniniso'o sa ja ndaka'an ja ndakachi i nuu sa ma, te ma saxiko sa, vi Su'si. Visi tnundo'o xeen sukan jin ndaka'an‑so'o i ma, kovaa saña chi kakan‑ta'vi kakan‑ta'vi sa nuu ni ja ñayii ka sa'a ja u'vi ma, te máko jin ko sa'a‑ka i, vi Su'si.

Proverbios 15:5

Suchi so'o xeen kaa ma chi saxiko i tnu'u ndáka'an‑so'o yuva i ma nuu i ma, kovaa suchi jan‑ta'vi ma chi káxtnu'u i ja suchi jáku'ni ini kúu i te ko kuu i in ñayii ndichi.

Proverbios 20:12

Su'si ma ni sa'a so'o o a sukan‑va'a koniniso'o o, te ni sa'a ya nduchinuu o a sukan‑va'a konde'ya va'a o. ¡Vivii kúu ja ni sa'a ya a!

Proverbios 9:8

Va'a‑ka ja máko ndaka'an ni na kuechi ñayii sa'a ja u'vi ma te ko saxiko ña'a i, vaa masu nawa chindee ni i. Va'a‑ka ndaka'an‑so'o ni nuu ñayii ndichi ma te kuni ni ja kutoo ña'a i.

Mateo 12:35

Vaa ñayii va'a ma, ka ka'an i tnu'u va'a, vaa tnu'u va'a ka ñunee ini anua i ma. Te ñayii ka ka'an ja u'vi ma, sukan ka ka'an i, vaa ja u'vi ma ka ñunee ini anua i ma.