Proverbios 24:4 - New Testament Psalms and Proverbs in Mixtec Magdalena Peñasco

⁴ vaa jini i naxe koo ini ve'e i ma, te ndimaa ja vii ja va'a neva'a i ve'e i ma, vaa ñu'u kaji ini i.

Proverbios 24:4 ပူးပေါင်းရင်းမြစ်များ

Proverbios 15:6

Ñayii sa'a ja va'a ja ndaa ma chi ko ni'i ko tna'a i ja koneva'a i ve'e i ma, kovaa ñayii sa'a ja u'vi ma chi visi na ni'i i ja koneva'a i ma, kovaa ndimaa koo tnundo'o tnuneni nuu i ma.

Proverbios 20:15

Ja va'a‑ka kúu ñayii káji tnu'u va'a ká'an i ma sana ja ñayii neva'a kua'a xeen oro xi yuu vivii ka ndaa te ka ndeya'vi xeen ma.

Proverbios 21:20

Tee ñu'u kaji ñu'u va'a ini ma chi ve'e de ma chi ñatuu nawa ja'ni ña'a i te vivii ka kuu de, kovaa tee ñatuu ñu'u kaji ini ma chi ndi'i ja neva'a de ma ndáxiko de te xnaa de kua'an de.

Proverbios 24:5

Ñayii ndichi ma chi ni'i‑ka i tnu'u ndee tnu'u ndatnu naxe ko sa'a ko kuu i ma, vaa jini i te jáku'ni ini i nde a kúu ja va'a sa'a i ma,

Proverbios 8:18

Ñayii jan‑ta'vi tnu'u ndichi káxtnu'u sa a chi ni'i i ja vii ja va'a ni‑kani ni‑jika, te ko ni'i ko tna'a i nawa ko neva'a i, te ko sa'a i ja va'a ja ndaa ma, te koo jayiñu'u i.

Proverbios 8:21

Te chukan kúu ja ñayii ka kandija tnu'u ndichi ká'an sa a chi chindee sa i ja jin ko ni'i jin ko tna'a i ja jin koo ve'e i ma.

Mateo 13:52

Te jiña'a ya: ―‍Chukan kúu ja ndaka tee ka skua'a tnu'u ni tatnuni Moisés ma, te nuna jin kutu'va‑ka de sukan tátnuni Su'si iya iyo andivi ma, te jin ko kuu de sukan kúu in tee va'a in tee ndichi jito va'a ñayii ka iyo ve'e de ma, te kéne'e de ja vava'a neva'a de ma, ja jaa ma ji'in ja jâ ni kuu kii‑ka iyo ma ―‍kúu ya jiña'a ya.