Proverbios 24:28 - New Testament Psalms and Proverbs in Mixtec Magdalena Peñasco

²⁸ Másu ko ka'an ni ja kuu in‑ka ñayii ma, nú ñatuu jini ni, te máko ko kava tnu'u yu'u ni.

Proverbios 24:28 ပူးပေါင်းရင်းမြစ်များ

Salmos 35:11

Ni ka kenda koo ñayii ka skanduu yu'u ja kuu sa ma, vaa ka kuni i ja jin sa'a ña'a i ja u'vi, te ka jikan‑tnu'u ña'a i tna'a ja másu jini sa ma.

Salmos 35:7

Vaa másu na kuechi sa, te ni ka ke'en‑su'va ña'a i, te masu na kuechi sa, te ni ka jate i in yavi ja ka kuni i ja kêe sa nkuu.

Salmos 52:1

Tee kanuu xeen, ¿nava'a kúvixi xeen ni, ja ndimaa ja u'vi ma sa'a ni? Te vitna ja Su'si ma ja kúu sa'a ya ndaka ma chi su'va ndimaa kúnda'vi ini ya ñayii ma.

Proverbios 14:5

Ñayii kúkanu ini o ja ndakani ndaa i nawa ni jini i ma chi nú ñayii sa'a ja va'a ja ndaa kúu i chi masu nawa xnda'vi ña'a i, kovaa ñayii ñatuu ká'an ndaa ká'an ndija ma chi ndimaa xnda'vi ña'a i.

Proverbios 19:5

Ñayii ka kukanu ini ñayii ja ndakani ndaa i nawa ni jini i ma te ma ndaka'an ndaa i ma chi ma kaku maa i chi ndo'o neni i ja sukan sa'a i ma. Suni ñayii ká'an tnu'u ma chi masu yanduu ja onde ndo'o neni maa i.

Proverbios 19:9

Ñayii ñatuu ndakani ndaa nawa ni jini i ma chi ma kaku maa i chi onde ndo'o neni i ja sukan sa'a i ma, te suni ñayii játna ini ja ka'an tnu'u i ma chi masu yanduu ja onde ndo'o neni tna maa i ja sukan sa'a i ma.

Proverbios 21:28

Ñayii ká'an ja ni jini i nawa ni kuu ma te masu ndija i ja ni jini i ma chi masu na'a‑ni te ni masu ni'i ini‑ka i nawa ka'an i, kovaa ñayii ni jini ndija ma chi núkuiñi lili i ja ká'an i ma.

Proverbios 25:18

Kuenda kúu yuchi ma xi in martillu xi in flecha, sukan kúu ñayii ká'an tnu'u in nuu te'nde tniñu ma.

Proverbios 26:19

sukan kúu ñayii xnda'vi ñayii ma sani te jiña'a tuku i ja ká'an ñanka‑ni i kúu ja ni jiña'a i ma.

Mateo 27:23

Te jiña'a Pilato ma: ―‍¿Nava'a? ¿Na kuechi de? ¿Na nde a u'vi ni sa'a de? ―‍kúu de jiña'a de. Kovaa ñayii yukan chi ndaka i ni ka kayu'u nini'i‑ka, ka jiña'a i de: ―‍¡Kata kaa ni de nuu krusi ma! ―‍ka kuu i ka jiña'a i.

Juan 15:25

Kovaa sa'a ko kuu, vaa sukan ndee nuu tnu'u ni tatnuni Su'si ma ja jin ko kuu i ma, sukan ko kuu, te sa'a ká'an: “Ni ka ndakiti ini i nuu sa, kovaa masu na kuechi sa.”

Efesios 4:25

Chukan kúu ja ñatuu koo jin xnda'vi tna'a‑ka ni, su'va ndi‑in ndi‑in ni jin ka'an ndaa nuu tna'a, vaa ndaka o chi in‑ni ñayii ka kuu o.

Colosenses 3:9

Másu ko jin xnda'vi nuu tna'a‑ka ni, sukan ni ka yo sa'a, ni ka yo kuu ni onde xi'na‑ka ma, nuu ñatuu jin kandija‑ka ni Cristo o a, chi vaa ndaka chukan jâ ni ka xndoo ni ja másu ko jin sa'a‑ka ni.

Apocalipsis 21:8

Kovaa ñayii ka yu'u ja jin kondikin ña'a i xi ñatuu ka kukanu ini ña'a i ma, ji'in ñayii ka sa'a ndaka ja u'vi ma, ji'in ñayii ka ja'ni tna'a ma, ji'in ñayii ka kivi nduu ji'in in‑ka ñayii ñatuu ni tnanda'a ji'in i ma, ji'in ñayii inutasi ma, ji'in ñayii ka ndachiñu'u ja masu Su'si ka kuu ma, ji'in ndaka ñayii ka xnda'vi tna'a ma, jâ ka iyo ta'vi i ja jin ndo'o jin neni i nuu ñu'u káyu kóko ji'in azufre ma. Te cha'a kúu ja jin kûu i ja ku‑uu jichi ma ―‍kúu ya ká'an ya.

Apocalipsis 22:15

Kovaa ñayii ka sa'a sukan ka sa'a la‑ina ma chi ke'e ma jin koo i, ji'in ñayii tasi ma, ji'in ñayii ka kivi nduu ji'in ñayii masu ni ka tnanda'a ji'in i ma, ji'in ñayii ka ja'ni tna'a ma, ji'in ñayii ka jatna ini i ja jin xnda'vi tna'a i ma.