Proverbios 24:25 - New Testament Psalms and Proverbs in Mixtec Magdalena Peñasco

²⁵ Kovaa tee ka ja'nde tniñu ma, nuna jin xndo'o de ñayii ndiso kuechi ma chi ke koo va'a‑ka de, vaa ndaka ñayii ma chi jin ka'an va'a i ja jin kuu de.

Proverbios 24:25 ပူးပေါင်းရင်းမြစ်များ

Proverbios 24:26

Vaa ñayii ká'an tnu'u ndaa tnu'u ndija ma chi jin kutoo xeen ña'a ñayii ma, te onde jin chitu i yikinuu ñayii yukan ja sukan va'a ini i ma.

Proverbios 28:23

Ñayii ndáka'an‑so'o nuu in‑ka ñayii ma chi visi kuee‑ka ma chi jin ndaka'an vii jin ndaka'an va'a ñayii ma ja kuu i, kovaa masu sukan ko kuu ji'in ñayii yika‑ni ja ka'an i tnu'u vii tnu'u luu ja kuu in‑ka ñayii ma te masu ndija i ma.

Mateo 14:4

Vaa Juan ma, ni yo jiña'a de: ―‍Masu va'a‑ni ja koo ni ji'in ña'a jiña, vaa téku‑ka yii ña ma ―‍ni yo kuu de ni yo jiña'a de.

1 Timoteo 5:20

Te ñayii kúni ja sa'a‑ka i ja u'vi ma, ndonda ni nuu i nuu ka iyo ndaka tna'a o ni ka nduu sa'ya Su'si ma, sukan‑va'a jin koyu'u tna ndaka‑ka i ma, te má jin ko sa'a tna i sukan.

2 Timoteo 4:2

ja na kaxtnu'u ndaa ni tnu'u Su'si o a nuu ñayii ka jatna ini ja jin koniniso'o i ma. Te ndimaa ko ndi ini ni ja kaxtnu'u tna ni tnu'u Su'si o a nuu ñayii ma, visi ñatuu ka kuni i ja jin koniniso'o i ma. Te vivii ndaka'an‑so'o ni nuu ñayii ma, sukan‑va'a jín ndasa'a i kuenda te jín ko sa'a i sukan ká'an tnu'u ndaa tnu'u ndija Su'si o a, sukan kúni ya ja jin ko sa'a o ma. Te ndaka'an ni nuu i na ja u'vi ni ka sa'a i ma, sukan‑va'a jín ndasa'a i kuenda te máko jin ko sa'a‑ka i sukan ni ka yo sa'a i ma.

Tito 1:13

Te ja sukan ni ndaka'an tee yukan chi ja ndaa kúu. Te chukan kúu ja ndaka'an‑so'o xen‑xeen ni nuu ñayii ñuu jiña, sukan‑va'a jin konukuiñi va'a i nuu nda'a Su'si o a.

Tito 2:15

Te ndaka cha'a ndaka'an‑so'o ni nuu tna'a o a, te má koyu'u ni, te máko kua'a ni tnu'u ja jin ko ka'an i ja masu nde jiniñu'u ni ma.