Proverbios 24:24 - New Testament Psalms and Proverbs in Mixtec Magdalena Peñasco

²⁴ Vaa ñayii ká'an ja masu na kuechi ndiso ñayii ni sa'a ja u'vi ma chi masu va'a‑ni ja sukan sa'a i ma, te ndaka ñayii ñuu ma jin ka'an u'vi i ja kuu ñayii yukan, te jin saxiko ña'a i.

Proverbios 24:24 ပူးပေါင်းရင်းမြစ်များ

Proverbios 11:26

Ñayii ndiyo ini ma chi xtutu i ndaka ja kaa o ma, sukan‑va'a kenda kivi kumani ma te xiko ya'vi‑ka i, te ñayii ñuu ma chi jin ka'an u'vi i ja kuu i, kovaa ñayii nda'vi ini ma chi masu ndí ini i ja kuu maa i te xíko i ja kaa o ma, te ja sukan sa'a i ma chi jin ka'an vii jin ka'an va'a ñayii ma ja kuu i ma.

Proverbios 17:15

Saxiko Su'si ma ñayii kúji'in ji'in ñayii sa'a ja u'vi ma xi ñayii xtekuechi ñayii ñatuu na kuechi ma ja na chunaa i in ja masu ni sa'a i ma.

Proverbios 28:27

Ñayii ndimaa chíndee ñayii nda'vi ma chi másu ko ka'ni ña'a nawa jiniñu'u i ma, kovaa ñayii sa'a tnu'u ja ñatuu jini i nuu iyo ñayii nda'vi ma vaa ñatuu kúni i ja chindee i ñayii yukan chi ndimaa ja u'vi kenda nuu i ma.

Proverbios 30:10

Másu ko xtekuechi tnu'u ni ñayii jinukuechi ma nuu jito'o i ma, nasa yukan te ka'an u'vi i ja kuu ni te ndo'o neni ni ja ka'an i ja kuu ni ma.