Proverbios 24:20 - New Testament Psalms and Proverbs in Mixtec Magdalena Peñasco

²⁰ vaa ñayii sa'a ja u'vi ma chi masu kee va'a i, vaa sukan‑ni ndá'va ñu'u ma, sukan‑ni nda'va i.

Proverbios 24:20 ပူးပေါင်းရင်းမြစ်များ

Salmos 11:6

Sa'a ya ja siki ñayii sa'a ja u'vi ma, in jichi‑ni jin ndajinu kua'a ja u'vi ja jâ ni sa'a maa i ma, te sa'a ya ja jaki'i tachi ma, sukan‑va'a ndakonduu ña'a ñu'u káyu kóko ji'in azufre ma, te sukan ndando'o ndaneni maa i.

Salmos 37:2

Vaa masu kani‑ni jin koo i, vaa sukan ka kuu yi'i ma, ja kuii kuii ka iyo i ma te sani te jin yichi i ma, sukan‑ni ka kuu ñayii yukan.

Salmos 9:17

Ndaka ñayii ka sa'a ja u'vi ma chi andeya ma jin koo i. Te ndaka ñayii ka ndunaa Su'si ma, suni yukan tna jin koo i.

Proverbios 13:9

Ñayii ka sa'a ja va'a ja ndaa ma chi sukan kúu in ñu'u tnúu jajaa ma, sukan ka kuu i, kovaa ñayii ka sa'a ja u'vi ma chi sukan ni ka nda'va ñu'u ma, sukan‑nka‑ni ka kuu i.

Proverbios 17:20

Ñayii nde'e xeen kaa ini ma chi masu kee nawa ñu'u ini i ja sa'a i ma, te ja sukan ká'an tnu'u i ma, te jákun‑nee i nuu ja u'vi ma.

Proverbios 20:20

Ñayii ká'an u'vi ja kuu yuva i si'i i ma chi masu na tnu'u kanu ini ja koo va'a i, vaa koo maa i nuu nee ma‑ni.

Proverbios 21:4

Ñayii nde'ya kini in‑ka ñayii ma xi kuvixi maa i ja jani ini i ja maa i kúu‑ka ma xi jani ini i ja sa'a i ja u'vi ma, chi ja sukan sa'a i ma chi jâ ni jiso kuechi i nuu Su'si ma.

Proverbios 23:18

vaa ro'o ma chi iyo in ja ndetu ka'nu kuiti ro, te masu yanduu ja ni'i ro ja va'a ndetu ro ma.

Mateo 25:8

Suchi ka ku‑uun ka kusu'va‑ni ini i ma, sa'a ka jiña'a i nuu suchi ka ñu'u vii ka ñu'u va'a ini ja ka sa'a i ma: “Jin taa vala aceite ro a, vaa ve jin nda'va kandili ri a”, ka kuu i ka jiña'a i.

Mateo 8:12

Kovaa sa'ya ya ja ka iyo ja jin koo i nuu tatnuni ya ma nkuu, chi kene'e ya i ichi ke'e ma, te chunee ya i nuu nee ma, te yukan, te jin ndanda'yu i, te jin ndakandi'i jin ndakandi'i i nu'u i ma ja jin ndo'o jin neni i kuechi ja ñatuu ni ka kandija i ja ká'an ya ma ―‍kúu ya jiña'a ya.

Judas 1:13

Sukan kúu nuu ndute mar ma ja kua'an vee nuu de ma, sukan ka kuu tee ya'a. Te sukan kúu ti‑iñu iyo yu'u ndute ma ja ni ndututu ndaka ja tne'e ma, sukan ka kuu ja u'vi ka sa'a de ma, vaa masu ja vii kúu ma. Sukan ka kuu tiuxini ja kuan koo ve koo i ma, sukan ka kuu de, te ja iyo tu'va nuu nee ma nuu chunee ña'a Su'si ma, te yukan jin kun‑nee maa de ni‑kani ni‑jika.