Proverbios 24:11 - New Testament Psalms and Proverbs in Mixtec Magdalena Peñasco

¹¹ Nú ni jini ni ja iyo yika in ñayii ma ja ka iyo ñayii ka kuni ja jin ka'ni i ñayii yukan ma, te chindee ni i ja na kaku i ma, sukan‑va'a ma kûu i,

Proverbios 24:11 ပူးပေါင်းရင်းမြစ်များ

Salmos 82:4

Jin sa'a ro ja jin ndayaa ñayii ka ndo'o ka neni ma, ji'in ñayii ñatuu nawa ka neva'a i ja jin kaa i ma, jin ndayaa tna i nuu nda'a tee ka sa'a ja u'vi ma.

Salmos 88:15

Vaa saña chi onde nuu jaa sa ma, te ndó'o néni sa ja xndo'o xneni ña'a ni ma, te masu kanda‑ka ini anua sa ya.

Hechos 16:28

Sani te Pablo ma, ni kayu'u nini'i de, te jiña'a de: ―‍Máko sa'a ni maa ni ja u'vi, vaa ndaka sa ka iyo ya'a ―‍kúu de jiña'a de.

Hechos 18:17

Sani te ndaka ñayii ma, ni ka tnii i tee kúu Sóstenes ma tee tátnuni veñu'u luluu ma, te ni ka kani i de nuke'e nuu ja'nde tee kúu Galión ma tniñu ma. Kovaa tee kúu Galión ma masu ni ndi ini de ja ka kuu maa i ma.

Hechos 23:10

Te ni ka jakondee de ka tetna'a xeen‑ka de, te ni yu'u tee tátnuni nuu soldado ma nasa jin sakuechi jin salikin de Pablo ma. Chukan kúu ja ni tatnuni de nuu soldado ma ja jín koo de jín nu kueka nda'a de Pablo ma, te jín ndachinee de tee ma nuu ka iyo soldado ma.