Proverbios 23:7 - New Testament Psalms and Proverbs in Mixtec Magdalena Peñasco

⁷ vaa masu ni‑yu'u ni‑ini i kúu, visi na ka'an i: “Kaa ko'o ni”, vaa maa i ma chi ndása'a ndi'i kuiti i kuenda naxe ndeya'vi ndaka ja taa i ma,

Proverbios 23:7 ပူးပေါင်းရင်းမြစ်များ

Salmos 12:2

Vaa ndaka ñayii a, ndimaa ka xnda'vi tna'a i, te ñii yu'u i ma‑ni ka iyo tnu'u ka ka'an i ma, kovaa masu inundija i ja ka ka'an i ma.

Salmos 55:21

Te ndaka tnu'u ká'an i ma chi vita vita‑ni ká'an i kuenda tnu'u ja xe'en ma. Kovaa ini anua i ma chi ûni kanaa i kúni i. Te vivii ká'an i kuenda tnu'u ja xe'en ni ndandute ma. Kovaa ndaka ja ká'an i ma chi kuenda tnu'u ja in yuchi jâ ni kana nuu ñunee i ma kúu ndaka tnu'u ká'an i ma.

Proverbios 19:22

Ja játna ini ñayii ma kúu ja ndaka o, te kava va'a kava nda'vi ini o, te va'a‑ka ja ko kunda'vi ko kukee o sana ja kava tnu'u o ma.

Proverbios 26:23

te sukan kúu in kisi ñu'ú ja vivii ni ndaskuchi i ji'in plata ma te vivii ni nduu ichi yika i ma, sukan kúu ñayii vivii ká'an i ma, kovaa ini anua i ma chi nanimaa ja u'vi ñu'u.

Proverbios 26:24

Vaa ñayii kiti ini nuu in‑ka ñayii ma chi ora ká'an i ma chi sa'a i tnu'u ja masu ndákiti ini i, kovaa ini anua i ma chi jani ini i naxe sa'a u'vi i ñayii yukan.

Proverbios 26:25

Visi na'a ja ja ká'an i ma ja va'a kúu, kovaa ja jani ini i ma chi nanimaa ja u'vi kúu ja ñu'u ini i ja sa'a i ma.

Lucas 7:39

Te tee kúu fariseo ma tee ni kana Jesús ma ve'e de ma, ja ni jini de sukan ma, ni jani ini de: “Nute tee ya'a, in tee ndákaxtnu'u tnu'u ni wa'a Su'si ndija ma kúu de chi kunitnuni de na in kúu ña'a ke'e ña'a a, vaa in ña'a ndiso kuechi kúu ña”, jani ini de.