Proverbios 23:4 - New Testament Psalms and Proverbs in Mixtec Magdalena Peñasco

⁴ Te máko ndiyo ini ni ja ndaka koneva'a ni te kuxiku ni, su'va kava ndichi ni, te xtandiyo ni janitnuni yukan,

Proverbios 23:4 ပူးပေါင်းရင်းမြစ်များ

Proverbios 15:27

Ñayii ndiyo ini ma chi sa'a nda'vi sa'a kee i ñayii ve'e i ma, kovaa ñayii ñatuu játna ini ja sa'a i sukan ma chi jin koo va'a‑ka i ve'e i ma.

Proverbios 26:12

Iyo ñayii jani ini ja ndaka ja ká'an i ma te ndimaa ja va'a ka kuu te in ñayii ndichi kúu i jani ini maa i, kovaa ja ndaa kúu ja onde ñayii ndee ini ma chi iyo‑ka tnu'u kanu ini ja ndachu'un ini i te kee va'a i sana ñayii jani ini ja ñayii ndichi kúu i ma.

Proverbios 27:24

vaa ndaka ja koneva'a o ma visi na kuxiku xeen o ma chi masu sukan‑ni koneva'a o ni‑kani ni‑jika, te ni a tee tátnuni te neva'a de tnu'u ndee tnu'u ndatnu ma, másu sukan‑ni jin koo tnu'u ndee tnu'u ndatnu sa'ya tata de ma ja jin tatnuni tna i ni‑kani ni‑jika.

Proverbios 28:20

Ñayii iyo va'a iyo ndaa nuu Su'si ma chi kuta'vi i kua'a ja va'a, kovaa ñayii ñu'u ini ja ni'i i kua'a xu'un te kuxiku i ma chi masu kaku maa i ja ndo'o neni i.

Proverbios 3:5

Ni‑yu'u ni‑ini ro kukanu ini ro Su'si ma nawa sa'a ro ma, te máko kukanu ini ro ja ja jani ini maa ro ma te kuu sa'a ro nawa kúni ro ma.

Proverbios 3:7

Máko kani ini ro ja maa ro kúu ñayii ndichi‑ka, su'va koyu'u Su'si iya ndákan kuenda ma, te kakayata nuu ja u'vi ma.

Mateo 6:19

’Máko ku'un xeen ini ni ja koneva'a ni kua'a xeen ndatniñu ñuu ñayivi a nuu kána tikixin, ji'in nuu nána xe'e ndatniñu ma, ji'in nuu kuu jin kivi koo kui'na ini ve'e ni ma te jin sakui'na i.

Marcos 4:19

kovaa ndaka tniñu iyo ñuu ñayivi ya'a, ka xndi ini xeen i, te ka ndi ini xeen i ja jin koo xu'un i, te ka ndiyo ini i ja jin koneva'a i ndaka ndatniñu ma, te ndaka cha'a, kívi ña'a i te xnda'vi ña'a i, te ka ndunaa i tnu'u vii tnu'u va'a Su'si ma, te chukan kúu ja ñatuu kúu ja jin sa'a i sukan kúni Su'si ma.

Juan 6:27

Má jin satniñu ni siki ja ndeyu ndí'i ma, su'va jin satniñu ni siki ja ndeyu masu ndi'i ma, tna'a ja sa'a ja jin koteku ni ni‑kani ni‑jika ma, tna'a ja taa iya ni kenda ñayivi ñuu ñayivi a, iya ni kaxtnu'u Yuva o Su'si ma ja jin kandija ni ya ma ―‍kúu ya jiña'a ya.

Romanos 11:25

Ndijin ja ni ka nduu o sa'ya Su'si o a, kúni sa ja jin kuni ni tna'a ja ni ka iyo yu'u te ñatuu ni ka yo jini o ma, sukan‑va'a vitna, te máko jin kani ini ni ja maa ni ka kuu ñayii ka ndanuu‑ka. Vaa sa'a ni ka ndo'o jaku ñayii ñuu Israel ma ja ñatuu ni ka kukanu ini i Su'si ma, te ni ka sa'a ndee‑ka i ini anua i ma. Te sukan‑ni jin ko kuu i onde ndi'i ñayii ka iyo ja jin kukanu ini i Su'si ma jin kandija sukan kúni ya ma, ja ka kuu i ñayii masu ñuu Israel ma.

Romanos 12:16

In‑ni ja jin kani ini o, te má jin sa'a vixi o maa o, su'va jín nduku o ja jín ketna'a ini o ji'in ñayii nda'vi ka saxiko ña'a in‑ka ñayii. Má jin kani ini o ja in ñayii ndichi‑ka ka kuu o.

Hebreos 13:5

Máko jin ko ndiyo ini ni ja jin koneva'a xeen ni xu'un ma, su'va jin koo sii ini ni nawa ka neva'a ni a‑ni, vaa sa'a ká'an Su'si ma: “Masu xndoo nda'vi ña'a sa, ni masu ndunaa ña'a sa.”