Proverbios 23:26 - New Testament Psalms and Proverbs in Mixtec Magdalena Peñasco

²⁶ Sa'ya maa ri, onde ini anua ro a kuan‑ta'vi ja ká'an ri a, te másu ko ndunaa ro ichi káxtnu'u ri nuu ro a,

Proverbios 23:26 ပူးပေါင်းရင်းမြစ်များ

Salmos 1:2

Su'va ja játna ini i kúu ja kandija i sukan ká'an Iya Tátnuni ma, te nduu ñuu ndáa ndívi ini i tnu'u tátnuni ya ma.

Salmos 107:43

Ñayii ndichi ma, na konde'ya va'a i sukan sa'a ya ma, te jáku'ni ini i sukan kútoo ña'a Su'si Iya Tátnuni ma.

Salmos 119:2

¡Naka vii naka va'a ka kuu ñayii ni‑yu'u ni‑ini i ka ndanduku i ja jin sa'a i sukan tátnuni Su'si ma, chi jin koo va'a i nuu ya!

Salmos 119:24

Vaa ndaka tnu'u tátnuni ni ma kúu ja ndáka'an ndákachi nuu sa naxe ko sa'a ko kuu sa, vi Su'si.

Proverbios 3:1

Sa'ya maa ri, máko ndunaa ro ndaka ja káxtnu'u ri nuu ro a, su'va tava'a onde ini anua ro a, te ku'un ini ro ja ko sa'a ro sukan ká'an tnu'u tátnuni ri a.

Proverbios 4:23

Ko koto vava'a‑ka ini anua ro a sana ndaka‑ka ja neva'a ro a, vaa ini anua ro a kúu ja chindee ña'a ja koteku ro nuu Su'si ma.

Proverbios 4:4

Te sa'a ni yo ka'an yuva ri ma nuu ri: “Tava'a ini anua ro a ndaka tnu'u ká'an tnu'u káchi ri a, te ko sa'a ro sukan tátnuni ri a, te koteku ro.

Lucas 14:26

―‍Nú na in vee nuu sa te kútoo‑ka i yuva i ma, xi si'i i ma, xi ñasi'i i ma, xi ñani i ma, xi ku'va i ma sana saña, te nú ndí ini‑ka i ja koo va'a maa i ñuu ñayivi a, te masu kuu ko kuu i ñayii kondikin ña'a i maa sa.

2 Corintios 8:5

Vaa ja ni ka sa'a ñayii ñuu Macedonia ma sukan ma chi xinañu'u kuiti ni ka kandija i nuu Iya Tátnuni ma, te sana ni ka kandija i nuu saña sukan kúni maa Su'si ma, vaa vivii‑ka ni ka sa'a i sana sukan ka ndetu sa ja jin sa'a i ma.

Efesios 3:17

sukan‑va'a jin kukanu ini ni Cristo ma, te koo ya ini anua ni a, te jin ni'i yo'o vava'a ni te jin konukuiñi va'a ni. Te suni jikan‑ta'vi sa ja na jin jaku'ni ini ni sukan jin kutoo tna'a ndija ni ma.

2 Pedro 1:19

Te ja ni ka jiniso'o sa sukan ma, te chíndee ña'a i ja jin kukanu ini‑ka o sukan ká'an tnu'u ni ka tee tee ni ka yo ndakaxtnu'u tnu'u ni yo wa'a Su'si ma. Te va'a‑ni jin sa'a ni, nuna jin koniniso'o ñukuun ni tnu'u ni yo wa'a Su'si ma. Vaa tnu'u ya'a, sukan kúu in ñu'u ndú'va nuu nee ma kúu i, kovaa kivi ko kuu sukan ká'an ma, te jin kuni ndi'i jin kuni tu'u o ja ni ka ndaka'an de ma. Te sukan kúu ora tnuu ni'ni ja kénda kimi xtnee ne'e ma, sukan jin jaku'ni ini o ndaka ja ni ka yo ndakaxtnu'u de ma.