Proverbios 23:23 - New Testament Psalms and Proverbs in Mixtec Magdalena Peñasco

²³ Ko ndi ini ja kutu'va‑ka ro tnu'u ndaa tnu'u ndija maa Su'si ma ji'in tnu'u ndichi ma ji'in ja naxe ko sa'a ko kuu ro te koo va'a‑ka ro nuu Su'si ma ji'in ja ni'i ini ro naxe ndasa'a ro kuenda nde a kúu ja va'a ma te ko sa'a ro ma te nde a kúu ja masu va'a ma te másu ko sa'a ro, te másu ko ndaxiko ro ndaka cha'a.

Proverbios 23:23 ပူးပေါင်းရင်းမြစ်များ

Salmos 119:127

Chukan kúu ja saña chi kútoo xeen sa ndaka ja tátnuni ni ma. Vi'i‑ka kútoo sa tnu'u maa ni a sana xu'un ma, visi nanimaa oro kúu i ma.

Salmos 119:72

Nuu saña, vi Su'si, chi va'a xeen‑ka kúu tnu'u ká'an káchi ni a sana ja ni'i sa kua'a xeen xu'un oro ma xi xu'un plata ma.

Proverbios 10:1

Tnu'u ndichi ni ka'an Salomón ma. Suchi sa'a sukan ká'an tnu'u ndichi Su'si ma chi sa'a i ja kúsii ini yuva i ma, kovaa suchi so'o xeen kaa ma chi sa'a i ja kúxii ini si'i i ma.

Proverbios 16:16

Va'a‑ka kúu ja ko ndi ini o ja ko kuu o in ñayii ndichi ma sana ja ni'i o kua'a oro ma, te va'a‑ka kúu ja jáku'ni ini o sukan kúni Su'si ma sukan‑va'a ni'i ini o naxe ko sa'a ko kuu o sana ja ni'i kua'a o plata ma.

Proverbios 17:16

Ñayii ndee xeen ini ma chi masu nde jiniñu'u ja neva'a kua'a xeen i xu'un i ma, vaa ni masu kuu kuaan i tnu'u ndichi Su'si a ji'in xu'un i ma, vaa ni masu jaku'ni ini i ma.

Proverbios 18:15

Ñayii jáku'ni ini ma chi ndí ini i ja kutu'va‑ka i, te ñukuun‑ka niniso'o i tnu'u ndichi ka ka'an ñayii ndichi ma.

Proverbios 9:8

Va'a‑ka ja máko ndaka'an ni na kuechi ñayii sa'a ja u'vi ma te ko saxiko ña'a i, vaa masu nawa chindee ni i. Va'a‑ka ndaka'an‑so'o ni nuu ñayii ndichi ma te kuni ni ja kutoo ña'a i.

Mateo 13:44

’Te suni nuu tatnuni Su'si ma kúu sukan kúu in ja ndee ya'vi xeen, te yinee yu'u i ini itu ma. Chukan kúu ja in tee, ni ndani'i de ja ndee ya'vi xeen yinee ini itu yukan ma, te ni ndachu'u va'a‑ka de, te ni ja'an sii ini de ni jan nu xiko de ndaka ja neva'a de ma, te ni ndakuaan de ñu'ú yukan.

Mateo 13:46

Te ni ndani'i de in perla vivii xeen‑ka kaa, te suni ni ja'an de, te ni ndaxiko de ndaka ja neva'a de ma, te ni jaan de perla vivii‑ka kaa ma.

Mateo 16:26

¿Na nde jiniñu'u ja in ñayii ma, te visi na koneva'a i ndaka ja iyo ñuu ñayivi a te skenaa i anua i ma? Te nute kuu sa'a i ja ndani'i‑ta'vi i ma chi kuiti ndakua'a ndi'i i ndaka ja neva'a i ma.

Hechos 20:23

In‑ni ja jini sa kúu ja ndaka ñuu nuu ja'an sa ma, ndimaa káxtnu'u Xtumani Ndios ma ja ndo'o neni sa te ki'in sa vekaa ma.

Hebreos 11:26

Vaa ja ni jani ini de kúu ja ja va'a‑ka kúu visi na jin ka'an ndeva'a ñayii ma nuu de sukan ni ka sa'a i Cristo ma, sana ndaka ja va'a iyo ñuu Egipto ma. Vaa ja nde'ya nde'ya de kúu ja ni'i de ja skuta'vi ña'a Su'si ma.

Apocalipsis 12:11

Te ñayii ya'a chi ni ka kundee i ja maa niñi iya kúu sukan kúu ndikachi jaa ma, te ni ka yo ka'an, ni ka yo kachi i tnu'u vii tnu'u va'a ya ma, te masu ni ka yo yu'u i, visi na in na ka'ni ña'a.

Apocalipsis 3:18

Chukan kúu ja ndáka'an‑so'o ri nuu ro ja kuaan ro nuu ri oro ni nduu nanimaa ni sa'a ñu'u i'ni ma, sukan‑va'a nduxiku ndija ro, te kuaan tna ro sa'ma kuijin kuijin, te kone'nu ro, sukan‑va'a ma kukan‑nuu ro ja jin kuni ñayii ja iyo vichi ro a. Tnaa coliriu nduchinuu ro a, sukan‑va'a ndundijin nuu ro a, te kuni ro nde ichi kua'an ro a.