Proverbios 23:18 - New Testament Psalms and Proverbs in Mixtec Magdalena Peñasco

¹⁸ vaa ro'o ma chi iyo in ja ndetu ka'nu kuiti ro, te masu yanduu ja ni'i ro ja va'a ndetu ro ma.

Proverbios 23:18 ပူးပေါင်းရင်းမြစ်များ

Salmos 19:11

Saña ja jinukuechi sa nuu ni, te tnu'u ya'a xtu'va ña'a ni, sukan‑va'a másu ko sa'a sa ja u'vi ma. Te ñayii kándija te sa'a i sukan tátnuni ni ma chi neva'a ni ja skuta'vi ni i.

Salmos 37:37

Kovaa jín konde'ya o ja ñayii ni‑yu'u ni‑ini i ndikin i Su'si ma, chi ni'i i ja vii ja va'a kivi ki'in o ma, vaa ni yo iyo mani i ji'in ndaka ñayii ma.

Salmos 58:11

Sani te jin ka'an i: “Ja ndaa ndija kúu ja iyo Su'si iya sa'a ndaa sa'a ndija ma, te ndákan ya kuenda nuu ndaka ñayii ñuu ñayivi ya. Te ja ndaa kúu ja ndaka ñayii ka sa'a ja va'a ja ndaa ma chi masu nawa jin skenaa kuiti i chi iyo ja vii ja va'a ja jin kuta'vi i.” Sa'a jin ka'an i.

Salmos 9:18

Kovaa ñayii ñatuu kuiti nawa neva'a i ma te kúkanu ini i Su'si ma, chi másu ndunaa ña'a ya, ni a ñayii kunda'vi kukee ma, vaa kenda kivi ja jin ni'i i ja ka ndetu i ma.

Proverbios 24:14

Vaa tnu'u ndichi a chi ja va'a kúu i, vaa chíndee i anua o a, te nuna ndani'i o tnu'u ndichi a chi iyo tnu'u kanu ini te masu na in xnaa ña'a, te ni'i o ja ndetu o ma.

Proverbios 24:20

vaa ñayii sa'a ja u'vi ma chi masu kee va'a i, vaa sukan‑ni ndá'va ñu'u ma, sukan‑ni nda'va i.

Lucas 16:25

Kovaa Abraham ma, ni ndakone'e de: “Sa'ya sa, ndaka'án ni sukan va'a sukan vii ni iyo ni ñuu ñayivi ma, te Lázaro a, nda'vi xeen ni yo kuu de ma. Te vitna chi ni ndusii ini de ya'a, te ndijin ndó'o néni.

Filipenses 1:20

Sukan ñu'u ini sa, te ndetu sa, te masu nawa kúkan‑nuu sa, vaa su'va kúkanu ini‑ka sa Su'si ma. Te visi na koteku sa xi na kûu sa, kovaa kuiti ja sukan ndo'o sa a chi koo jayiñu'u Cristo ma.

Hebreos 10:35

Chukan kúu ja ndimaa jin kukanu ini ni Su'si ma, vaa kua'a xeen ja ndataa ya ma.