Proverbios 22:7 - New Testament Psalms and Proverbs in Mixtec Magdalena Peñasco

⁷ Ñayii ka kuxiku ma chi ka tatnuni maa i nuu ñayii nda'vi ma, te ñayii ka wanuu xu'un ma chi suni ka tatnuni maa i nde a ka kuni i ja jin sa'a ñayii ni ka jikan‑nuu xu'un nuu i ma.

Proverbios 22:7 ပူးပေါင်းရင်းမြစ်များ

Proverbios 14:31

Ñayii xnda'vi te sa'a ndeva'a i ñayii kúnda'vi ma chi sa'a i ja kúxii ini Su'si iya ni sa'a ña'a ndaka o ma, kovaa ñayii kúnda'vi ini ñayii nda'vi ma chi ndáchiñu'u i Su'si ma ja sukan sa'a i ma.

Proverbios 18:23

Ñayii kúnda'vi kúkee ma chi ká'an vii ká'an va'a ká'an kuee i, kovaa ñayii kúxiku ma chi ndákone'e jatu ndákone'e kini i nuu ñayii ma.

Proverbios 22:16

Ñayii ndúku ja kuxiku i ma te sa'a ndeva'a i ñayii nda'vi ma ji'in ñayii skuta'vi nawa neva'a i ma nuu ñayii xiku ma, chi ja ndetu ña'a kúu ja ndunda'vi ndukee maa i.

Proverbios 22:22

Má sakui'na ni ñayii nda'vi ma te ni máko ka'an ndeva'a ni nuu ñayii ndó'o néni ma,

Mateo 18:25

Te tee ya'a chi masu nawa neva'a de ja ndachunaa de ja tavi de ma, te ni tatnuni jito'o de ma ja na jin koo i jín xiko i tee yukan, ji'in ñasi'i de ma, ji'in sa'ya de ma, ji'in ndaka ja neva'a de ma, sukan‑va'a nukun‑naa ja tavi de ma.

Santiago 2:6

Kovaa ndijin chi ni masu ni ka sa'a inuu ni ji'in ñayii nda'vi ma ji'in ñayii xiku ma, te vitna ja ñayii xiku ma, ka sa'a ndeva'a ña'a i maa ni, vaa ka ñu'u ndeva'a ña'a i, te kuan koo i kuan xsia'a ña'a i nuu tee ka netniñu ma.

Santiago 5:1

Vitna jin koniniso'o ni, ndijin ja ka kuu ni xiku ma. Jin konda'yu ni, te jin kuxii xeen ini ni, vaa su'va jin ndunda'vi ni kivi ki'in o a.

Santiago 5:4

Tna'a ja ña ni ka chuya'vi ni ñayii ni ka satniñu itu ni ma, ka ka'an‑kuechi i ja jin kuu ni, te Iya Tátnuni ma iya kúu sa'a ndaka ma, ni jiniso'o ya ja ka ka'an‑kuechi ñayii ni ka satniñu nuu ni ma.