Proverbios 22:23 - New Testament Psalms and Proverbs in Mixtec Magdalena Peñasco

²³ vaa Iya Tátnuni ma chi kúnda'vi ini ya ñayii nda'vi ma te iyo ya ji'in i te chindee ya i te kaku i, te ñayii sakui'na nuu ñayii nda'vi ma chi maa Su'si ma xnaa ndaka ja neva'a i ma.

Proverbios 22:23 ပူးပေါင်းရင်းမြစ်များ

Salmos 103:6

Maa Su'si Iya Tátnuni ma kúu iya sa'a ndaa, te chíndee ya ñayii ka ndo'o ka neni ja ka sa'a ndeva'a ña'a in‑ka ñayii ma.

Salmos 12:5

Kovaa sa'a ká'an Iya Tátnuni ma: “Ja kuechi ja ka sa'a ndeva'a ñayii ma ñayii nda'vi ñayii kee ma, te vitna, te ndokuiñi o, te sa'a o ja jin kaku ñayii ka kuxii ka kunda'vi ini ma, ja ka ndo'o ka neni i nuu in‑ka ñayii ma”, kúu ya ká'an ya.

Salmos 12:6

Tnu'u Iya Tátnuni a chi tnu'u nanimaa kúu, sukan ni nduu nanimaa plata ma ja ni ja'an i uja jichi nuu ñu'u i'ni ma.

Salmos 140:12

Kovaa saña chi jini sa ja Su'si o Iya Tátnuni ma chi kunda'a maa ya ndaka sukan ndó'o néni ñayii kándija ya ma, te sa'a ya ja jin kendoo va'a i te ñatuu nawa ko ka'nu ndee ja ma jin ni'i i nawa ka jiniñu'u i ma.

Salmos 140:13

Te ja ndaa ndija kúu ja ñayii ka sa'a ja va'a ja ndaa ma chi jin ndachiñu'u ña'a i maa ni, te jin koo i nuu iyo ni a, vaa ni ka sa'a i ja va'a ma, vi Su'si.

Salmos 35:1

Iya Tátnuni, kanaa maa ni ji'in ñayii ka kuni ja jin kanaa i ji'in sa ma. Kunda'a maa ni i, te sa'a maa ni i naxe kúni ni.

Salmos 35:10

Ni‑yu'u ni‑ini sa kuña'a sa Su'si ma: “Masu na in‑ka kúu sa'a sukan sa'a ni a, vi Iya Tátnuni, vaa sa'a ni ja ka kaku ñayii nda'vi ka ndo'o ka neni i ma, ja ka sa'a ka kuu ña'a ñayii ka tatnuni‑ka ma, vaa ûni ka ndaxtandee ndi'i kuiti i nawa ka neva'a ñayii nda'vi ma”, kuña'a sa Su'si ma.

Salmos 43:1

Su'si maa sa, ka'nde ni tniñu sa a ji'in ñayii ka sa'a ndaka ja u'vi ma, te ka xnda'vi tna'a i ma, sukan‑va'a jín kuni i ja másu na kuechi sa.

Salmos 68:5

Vaa suu ya kúu yuva suchi kuechi ja ñatuu‑ka na yuva na si'i i ma, te suu ya kúu iya jasi ndee jasi ndoso ña'a ñatuu‑ka na yii ma, te maa ya kúu Su'si onde nuu ii iyo ya ma.

Proverbios 21:7

Ja u'vi ka sa'a maa ñayii ka játna ini jin sa'a i ja u'vi ma nukun‑tuu ña'a, te jin skenaa maa i maa i, kuechi ja ñatuu ni ka kuu ini maa i ja jin sa'a i ja va'a ja ndaa ma.

Proverbios 23:11

vaa kona'a ni ja maa Su'si Iya Tátnuni iya iyo tnu'u ndee tnu'u ndatnu ma kúu iya na'a naxe ka iyo suchi yukan, te masu kachi ya ja ko sa'a ndeva'a ni i, vaa ndakan ya kuenda nuu ni.