Proverbios 22:15 - New Testament Psalms and Proverbs in Mixtec Magdalena Peñasco

¹⁵ Suchi jaa ma ûni ndikin tna'a xeen i ji'in ja sa'a ndee ini i te sa'a so'o xeen i maa i, kovaa nuna ndaka'an‑so'o o nuu i te skonduu o yutnu xii yata ka'a i chi ndatnii i kuenda te ko kuu i in ñayii va'a.

Proverbios 22:15 ပူးပေါင်းရင်းမြစ်များ

Salmos 51:5

Ja u'vi kúu sa, nuu ni ñunee sa chii si'i sa ma, te jâ ndiso kuechi sa nuu ni kâku sa ma.

Proverbios 13:24

Ñayii nde'ya ja u'vi sa'a sa'ya i ma te ñatuu na tnu'u xeen kéne'e i nuu suchi ma, sukan‑va'a ndasa'a i kuenda te ma ko sa'a‑ka i ja u'vi ni sa'a i ma chi ñatuu kútoo i sa'ya i ma, kovaa ñayii kútoo sa'ya i ma chi onde luluu suchi ma te jâ iyo tnu'u xeen nuu i ma.

Proverbios 19:18

Ndaka'an‑so'o ni'i ni nuu sa'ya ni ma vitna ja iyo‑ka i ja koniniso'o i tnu'u kuña'a ni ma, te máko ko kasiyu'u ni ja u'vi sa'a i ma, te ko kuu kuechi tna ni ja kûu i ma te skenaa i maa i ma.

Proverbios 20:30

Ja ka xndo'o ka xneni i ñayii sa'a ja u'vi ma ji'in yutnu xii ma chi kuenda tnu'u ja jatatna kúu, vaa sukan, te ndasa'a i kuenda te xndoo i ja u'vi sa'a i ma.

Proverbios 29:15

Nú nawa ni sa'a sa'ya o ma, te ke'en o i ji'in yutnu xii ma ja ndakani ichi o i ma, chi kutu'va i naxe ko kuu i ñayii ndichi, kovaa nú ndimaa kuji'in o ji'in i chi ndimaa ja kan‑nuu ndakua'a i si'i i ma.

Proverbios 29:17

Ka'an‑so'o ni nuu sa'ya ni ma ja na ku'un kaji ku'un va'a ini i, te sukan, te sa'a i ja ndatatu anua ni te koo sii ini ni.

Juan 3:6

Ñayii ni kâku nuu si'i i ma chi yikikuñu‑ni kúu i. Kovaa ñayii ni ndakâku jaa ja sa'a Xtumani Ndios ma, ni ndujaa anua i ma nuu Su'si ma.

Efesios 2:3

Te sukan tna ni ka yo kuu ndaka o, nuu ñatuu jin kuni‑ka o tnu'u Su'si o a, te ni ka yo sa'a o sukan ni ka yo kuni maa yikikuñu o a, ji'in ja sukan ni ka yo jani ini maa o ma, te ni ka yo sa'a o sukan ka sa'a ndaka‑ka ñayii ma, te ni ka yo sa'a o ja ni yo ndakiti ini Su'si ma nuu o ma.