Proverbios 22:11 - New Testament Psalms and Proverbs in Mixtec Magdalena Peñasco

¹¹ Ñayii játna ini ja koo vii koo luu ini anua i ma, chi ja sukan vivii ká'an i ma, te ketna'a ini tee kúu rey ma ji'in i.

Proverbios 22:11 ပူးပေါင်းရင်းမြစ်များ

Salmos 101:6

Kovaa nuna kuni sa ñayii ka iyo va'a nuu ni ma chi kuan‑ta'vi sa i, te jin koo i nuu iyo sa ya. Te ñayii jika ichi ndaa ma chi ñayii yukan kunukuechi nuu sa a.

Salmos 24:4

Ñayii ñatuu na kuechi ndiso nda'a i ma, te iyo vii ini anua i ma, te ñatuu nde ndáchiñu'u i tna'a ja masu Su'si ka kuu ma, te ni masu nde xnda'vi i in‑ka ñayii ma.

Salmos 45:2

Vaa maa ni chi vivii kaa ni, iyo ni ne'un ndaka sa'ya tata ñayii ma, te tnu'u ká'an káchi ni a ndimaa tnu'u vii tnu'u va'a kúu, te chukan kúu ja Su'si ma chi taa ya ja vii ja va'a ja kuta'vi ni ni‑kani ni‑jika.

Proverbios 14:35

Ja vii ja va'a ko sa'a tee kúu rey ma ja kuu suchi jinukuechi nuu de ma ja ndása'a i kuenda naxe sa'a kúu i ma, kovaa ndakiti ini de nuu ñayii sa'a ja ni'i de ja kan‑nuu ma.

Proverbios 16:13

Rey tee ka netniñu ma chi ka jatna ini de ja jin ka'an ndaa ñayii ma, te ûni ka kutoo de ñayii ñatuu ká'an tnu'u ma.

Proverbios 22:12

Iya Tátnuni ma chi jito ñukuun ya ñayii ndichi ma, kovaa sákanuu sákani'ni ya ja jani ini ñayii tnu'u ma.

Mateo 5:8

’Vava'a jin kendoo ñayii ñatuu na ja u'vi ka iyo ini anua i ma, vaa suu i jin kuni Su'si ma.

Lucas 4:22

Ndaka ñayii ma ka ka'an ja va'a ja kuu Jesús ma, te ni ka sa'vi‑nka ini i ndaka ja vii sa'a ya ma, te ka jikan‑tnu'u tna'a i: ―‍¿Masu tee ya'a kúu sa'ya José ma? ―‍ka kuu i ka ka'an i.