Proverbios 21:4 - New Testament Psalms and Proverbs in Mixtec Magdalena Peñasco

⁴ Ñayii nde'ya kini in‑ka ñayii ma xi kuvixi maa i ja jani ini i ja maa i kúu‑ka ma xi jani ini i ja sa'a i ja u'vi ma, chi ja sukan sa'a i ma chi jâ ni jiso kuechi i nuu Su'si ma.

Proverbios 21:4 ပူးပေါင်းရင်းမြစ်များ

Salmos 10:4

Ñayii sa'a ja u'vi ma, ja jani ini i ja maa i kúu‑ka ma, ká'an i ja ñatuu na Su'si ma iyo. Va ni a vala masu nde ndakune'e i Su'si ma ndaka ja jani ini i ma.

Salmos 101:5

Te ñayii ká'an tnu'u in tna'a i ma chi sa'a sa ja na kasi yu'u i, te ñayii sa'a vixi ja maa i kúu‑ka ma te ñu'u ini i tna'a ja masu nde jiniñu'u ma chi masu kua'a sa tnu'u ja ka'an‑ka i.

Salmos 131:1

Su'si Iya Tátnuni, ini anua sa ya ûni ñatuu na tnu'u vixi iyo, te nduchinuu sa ya chi ñatuu nde nde'ya i ja u'vi ja ñatuu játna ini ni ja konde'ya sa ma, ni ñatuu ndúku sa ja na'nu ja kua'a, tna'a ja masu kundee sa sa'a sa ma.

Proverbios 15:8

Ñayii ka sa'a ja u'vi ma chi saxiko Su'si ma ja ka ndakua'a i nuu ya ma, kovaa ñayii ka sa'a ja va'a ja ndaa ma chi játna ini Su'si ma ja ka jikan‑ta'vi i nuu ya ma.

Proverbios 21:27

Ja ka ndakua'a ñayii ka sa'a ja u'vi ma nuu Su'si ma chi saxiko ya, vaa masu ka jani va'a ini i ja ka sa'a i ma.

Proverbios 24:20

vaa ñayii sa'a ja u'vi ma chi masu kee va'a i, vaa sukan‑ni ndá'va ñu'u ma, sukan‑ni nda'va i.

Proverbios 30:13

Suni ka iyo ñayii ka jani ini i ja maa i ka kuu‑ka sana jaku‑ka ñayii ma, te ka saxiko i ñayii yukan.

Proverbios 6:16

Vaa iñu ja sa'a ñayii ma masu jatna ini Su'si ma, te ja ku‑uja ma chi ûni onde ini anua ya ma saxiko ya.

Proverbios 6:17

Ñayii ndee xeen nuu i ma ja jani ini i ja maa i kúu‑ka ma, ñayii ka'an tnu'u ma, ñayii ja'ni ñayii ñatuu na kuechi ma,

Proverbios 8:13

Vaa ñayii yu'u Su'si ma vaa jini i ja iya ndákan kuenda kúu ya ma chi saxiko i ja u'vi ma ji'in ja kani ini o ja maa o kúu‑ka ma te kuvixi o ma, te suni saxiko i ñayii ka jika ichi u'vi ma te ka ka'an i nanimaa tnu'u ndeva'a tnu'u kini ma. Sa'a ká'an tnu'u ndichi Su'si ma.

Lucas 11:34

Nduchinuu ni a, sukan kúu in ja ndú'va ñu'u ja xtnuu i nuu o ma ka kuu i ne'un yikikuñu ni a. Nú nduchinuu ni ma, ja va'a ka kuu i, te ni‑ka'nu yikikuñu ni ma kotnuu, te masu nawa ko kuyu'u. Kovaa nú nduchinuu ni ma, ja u'vi ka kuu i, te ni‑ka'nu yikikuñu ni ma, iyo nuu nee ma.

Lucas 18:14

Ká'an sa ja tee ndáke'en ya'vi xu'un no'o ñuu Roma ma, nuu kuan no'o de ve'e de ma, te jâ ni sakanu ini ña'a Su'si ma, kovaa tee kúu fariseo ma, ñatuu. Vaa nú na in sa'a tnu'u ja maa i ma kúu ja kuu‑ka vaa va'a‑ni sa'a va'a‑ni kúu i, jani ini i, chi suni kendoo nda'vi‑ka i te ndatna'a i ja kan‑nuu. Te ñayii jani ini ja masu nde jiniñu'u i ma vaa ja sa'a ja kúu i ma masu ja va'a kúu, ñayii yukan nduu in ñayii kanuu‑ka ―‍kúu ya jiña'a ya.

Romanos 14:23

Kovaa ñayii jani in jani uu ini te ñatuu kúkanu ini i nuu Su'si ma tna'a ja jaa i ma chi jiso kuechi i, vaa ñatuu kúkanu ini i nuu Su'si ma ja sa'a i ma. Te ndaka ja sa'a o ma, te nú ñatuu kúkanu ini o nuu Su'si ma chi jiso kuechi o nuu ya.

1 Pedro 5:5

Suni ndaka ro'o ja ka kuu ro suchi jaa a jin kandija ja ka ka'an tee nija'nu‑ka ma. Te ndaka ni jin kandija nuu tna'a, te má jin kani ini ja maa ni ka kuu‑ka xi ka ndanuu‑ka ni sana in‑ka ñayii ma: Vaa Su'si ma, masu niniso'o ya te ni masu katanuu ya ja ka ka'an ñayii ja ka jani ini i ja maa i ka kuu‑ka ma, kovaa ja vii ja va'a skuta'vi ya ñayii inuu‑ni jan‑ta'vi i ndaka ñayii ma.