Proverbios 21:21 - New Testament Psalms and Proverbs in Mixtec Magdalena Peñasco

²¹ Kovaa ñayii ndúku ja koo va'a koo ndaa i nuu Su'si ma te iyo tnu'u nda'vi ini i ma, chi skuta'vi ña'a Su'si ma ja vii ja va'a ma, te koo jayiñu'u i, te koteku kani i.

Proverbios 21:21 ပူးပေါင်းရင်းမြစ်များ

Salmos 112:4

Te ko kuu i ñayii kuee ini, ñayii nda'vi ini, te ko sa'a i ja ndaa ma. Te kuenda tnu'u ja in ñu'u xtnuu nuu nee ma ko kuu i nuu ñayii ka sa'a ja va'a ja ndaa ma.

Proverbios 10:16

Ñayii ndichi ma te sa'a i ja va'a ja ndaa ma chi koteku i ni‑kani ni‑jika, kovaa ñayii sa'a ja u'vi ma chi jiso kuechi i nuu Su'si o ma.

Proverbios 11:19

Vaa ja sa'a o ja va'a ja ndaa ma chi sa'a i ja koteku o ni‑kani ni‑jika, kovaa ja kondikin o ja sa'a o ja u'vi ma chi ichi nuu skenaa o maa o ma kúu.

Proverbios 15:9

Su'si Iya Tátnuni ma chi saxiko ya ja ka sa'a ka kuu ñayii ka sa'a ja u'vi ma, kovaa kútoo ya ñayii ka sa'a ja va'a ja ndaa ma.

Proverbios 22:4

Ñayii kaa vii kaa kuee ini ma te ñatuu kúvixi i ja maa i kúu‑ka vaa yu'u i Su'si ma vaa jini i ja iya ndákan kuenda kúu ya ma, ja ndani'i ndatna'a i kúu ja ko ni'i ko tna'a i ja koneva'a i, te koo jayiñu'u i, te koteku i ni‑kani ni‑jika,

Proverbios 3:22

te sa'a i ja koteku ro te vivii kona'a ro nde kua'an nde vee ro,

Mateo 5:6

’Vava'a jin kendoo ñayii ni‑yu'u ni‑ini i ka ndanduku i ja va'a ja ndaa tátnuni Su'si ma ja jin ko sa'a i ma, vaa jin ni'i ndija i ja ka jiniñu'u anua i ma.

Romanos 14:19

Te chukan kúu ja jín ko sa'a o tna'a ja sa'a ja jin koo mani o ma, te sukan, te jín chindee o tna'a o ma, te jín jaku'ni‑ka ini ndaka o, te jín koo va'a‑ka o nuu Su'si ma.

1 Corintios 15:58

Chukan kúu ja ndijin ja kútoo ña'a sa a, ja ni ka nduu ni sa'ya Su'si o a, ni‑yu'u ni‑ini ni jin konukuiñi va'a ni nuu Su'si a, te jin satniñu jin satniñu‑ka ni nuu Iya Tátnuni ma, vaa ka jini o ja masu ka satniñu ka'a o nuu Iya Tátnuni ma.

Filipenses 3:12

Kovaa masu ja sa'a ká'an sa ya, te jâ ni kundee sa jâ ni ni'i sa ndaka kúu, chi su'va ja kúni sa kúu ja na chindee ña'a Su'si ma ja na kuu sa'a va'a sa'a ndija sa ndaka‑ka. Vaa ja kúni sa kúu ja ni'i sa ndaka ja ni skuiso maa Cristo Jesús ma ja skuta'vi ña'a ya ma, vaa sukan ni skuiso ya kivi ni ndani'i ña'a ya onde xinañu'u ma.

1 Tesalonicenses 5:21

Jin ndasava'a ni kuenda ndaka tnu'u ka kaxtnu'u i ma, te jin tava'a ni tnu'u va'a ma.

1 Timoteo 6:11

Kovaa ndijin ja kúu ni sa'ya Su'si ma, má ko ndiyo ini ni ndaka cha'a, su'va ko sa'a ni ja ndaa ja ndija ká'an Su'si ma, te sa'a ni sukan játna ini ya ma, te kukanu ini ni ya, te kóo tnu'u kútoo tna'a ma ini anua ni a, te kava kuee ini ni, te koniniso'o ni nawa ka'an‑so'o in‑ka ñayii ma, te máko kava yachi ini ni, te máko ndakone'e xiko ni.

2 Timoteo 2:22

Chukan kúu ja másu ko kua'a ni tnu'u ja ko sa'a tna ni ndaka ja u'vi ka sa'a suchi jaa ma. Su'va katanuu ni ja ko sa'a ni ja va'a ja ndaa ma, te kukanu ini ni Su'si ma, te kutoo ni tna'a o ma, te koo mani ni ji'in ndaka ñayii ka iyo vii ka iyo ndoo ini anua i ma, ja ka ndakune'e i Iya Tátnuni ma.

Hebreos 12:14

Jín ko ndi ini o ja jin koo mani ndaka o, te jín ku'un ini o ja ñatuu‑ka na ja u'vi jin ko sa'a o, vaa nú ma jin xndoo o ndaka ja u'vi ma, te masu jin kuni o Iya Tátnuni ma.

1 Pedro 1:7

Vaa sukan kúu oro ma, visi na jin chunee jin chunee de i nuu ñu'u i'ni‑ka ma su'va nduu nanimaa‑ka i, te sukan jin ko kuu tna o, te visi na jin ndo'o xeen‑ka o, kovaa sukan, te vivii‑ka jin kukanu ini‑ka o ya. Te sukan, te jin koo jayiñu'u o kivi jin kuni o sukan kaa maa Jesucristo ma.