Proverbios 21:16 - New Testament Psalms and Proverbs in Mixtec Magdalena Peñasco

¹⁶ Ñayii ñatuu ndása'a kuenda naxe ko kuu i in ñayii va'a ma te kúneé kú‑uun‑ni maa i ma chi ichi nuu kûu i te skenaa i maa i kua'an i.

Proverbios 21:16 ပူးပေါင်းရင်းမြစ်များ

Salmos 125:5

Kovaa ñayii ni ka kusiin ma te ka sa'a i ja u'vi ma, chi maa Iya Tátnuni ma, jin nu chunee ya i nuu ka iyo ñayii ka sa'a ja u'vi ma. Kovaa ñayii ñuu Israel ma, na jin koo mani i.

Salmos 49:14

Te sukan ka kuu ndikachi ma ja iyo ñayii skaka ña'a nuu jin koo ti ja jin kûu ti ma, sukan kuan koo i ja jin skenaa i maa i ma, vaa maa ja u'vi ma tátnuni nuu i ma. Te ndaka ñayii ka sa'a ja va'a ja ndaa ma chi xtnee ne'e ma‑ni, te jin kundee i nuu ñayii ka sa'a ja u'vi ma. Sani te ñayii yukan, te jin skenaa i tnu'u ndee tnu'u ndatnu i ma ji'in ja vivii ka ndaa i ma, te nuu jin koo i ni‑kani ni‑jika ma ko kuu andeya ma kuechi ja u'vi ni ka yo sa'a i ma.

Proverbios 11:19

Vaa ja sa'a o ja va'a ja ndaa ma chi sa'a i ja koteku o ni‑kani ni‑jika, kovaa ja kondikin o ja sa'a o ja u'vi ma chi ichi nuu skenaa o maa o ma kúu.

Proverbios 13:20

Ñayii ndikin tna'a ji'in ñayii ndichi ma chi ñayii ndichi ko kuu tna i, kovaa ñayii ndikin tna'a ji'in ñayii inuso'o xeen ka ndaa ma chi ko kuu tna i sukan te skenaa tna i maa i.

Proverbios 19:16

Ñayii kandija te sa'a i sukan ni tatnuni Su'si ma chi kaku i nuu ja u'vi ma te koteku i, kovaa ñayii saxiko tnu'u ni tatnuni Su'si ma chi kûu i te skenaa i maa i.

Proverbios 2:13

Vaa ka xndoo i ichi va'a ichi ndaa Su'si ma te kuan koo maa i ichi nuu nee, ichi nuu masu ka jaku'ni ini i ja ja u'vi kúu ja ka sa'a ka kuu i ma.

Proverbios 5:23

Te sukan kûu maa i, vaa ñatuu ni kandija i ja ni ka yo ndaka'an so'o ñayii ndichi ma, te skenaa i maa i ja sukan so'o ni kaa i ma.

Proverbios 9:18

Kovaa ñatuu ka jini suchi ka kandija ja ká'an ña ma ja ve'e ña ma kúu nuu jin kûu i te jin skenaa i maa i ma, vaa ndaka suchi ka kivi koo ve'e ña ma chi kuenda tnu'u ja onde nuu kunu‑ka andeya ma ka ñunee i.

Efesios 2:1

Te maa Su'si ma ni ndaxteku ña'a ndijin, vaa kuenda tnu'u ja ni ka ji'i ni nuu ka iyo ni nuu ja u'vi ma, te ni ka yo sa'a, ni ka yo kuu ni ndaka ja u'vi ma,

Hebreos 10:38

Ñayii sa'a ja va'a ja ndaa ma chi suu i koteku ni‑kani ni‑jika, vaa kúkanu ini i ja kúu sa Su'si i. Kovaa nuna ndakakayata i, te masu jatna ini sa ja sukan sa'a i ma. Sa'a ká'an ya.

1 Juan 2:19

Ñayii ya'a, ni ka nde koo i ne'un o a, vaa masu ñayii ka ndikin Cristo ma ka kuu i. Vaa nute ka ndikin i ya chi jin koo ka'nu o ji'in i. Kovaa sa'a ni kuu, sukan‑va'a jin kuni ndaa o ja masu ndaka o ka kuu sa'ya Su'si ma.

Judas 1:12

Tee ya'a chi iyo yika ja ndatna'a o ji'in de, vaa ora ka sa'a ni viko ma chi ja ka ndi ini‑ka de kúu ja jin kaa jin ko'o maa de, te ñatuu ka ndi ini de ja jin kuu in‑ka ñayii ma. Sukan ka kuu viko ma ja ñatuu na ndute ka ndiso i ma ja ñu'u kua'an ñu'u vee ña'a tachi yi'i ma, sukan‑ni ka kuu de. Xi sukan kúu in yutnu iyo ja kuun javixi ma te ni ñatuu nawa ni kuun ma, sani te ni jinu kuiya tnu, te ni yichi tnu, te sani te ka tava i onde yo'o tnu ma, sukan‑ni ka kuu tee ya'a.