Proverbios 21:10 - New Testament Psalms and Proverbs in Mixtec Magdalena Peñasco

¹⁰ Ñayii sa'a ja u'vi ma chi yika ja ñu'u ini i kúu ja sa'a i ja u'vi in‑ka ñayii ma, te ni masu nde kúnda'vi ini i ñayii yukan.

Proverbios 21:10 ပူးပေါင်းရင်းမြစ်များ

Salmos 112:5

Ñayii sa'a ja va'a ma te nda'vi ini i ma, te wanuu i nawa jiniñu'u in‑ka ñayii ma, chi kuu i kuatniñu va'a i nawa neva'a i ma.

Salmos 112:9

Wa'a i nawa jiniñu'u ñayii nda'vi ma, te sa'a i ja ndaa ni‑kani ni‑jika, te ja sukan kúu sa'a i ndaka ma, te koo jayiñu'u i ma.

Salmos 36:4

Te nú kátuu i nuu jito kixi i ma, te yikuu i jani ini i naxe sa'a‑ka i ja u'vi ma. Ûni játna ini xeen i ja sa'a i ja u'vi ma. Chukan kúu ja ñatuu kúu xndoo i ja u'vi sa'a i ma.

Proverbios 12:12

Ñayii kúneé kú‑uun ma chi ndíyo ini i ja ko kuu i sukan ka kuu ñayii ka sa'a ja u'vi ma, kovaa masu jini i nawa ndetu ña'a ja ndo'o i, kovaa ñayii sa'a ja va'a ja ndaa ma chi ni‑kani ni‑jika ndimaa ja va'a ko kuu ja ndani'i ndatna'a i.

Proverbios 14:21

te vitna ja ká'an Su'si ma ja ñayii saxiko in‑ka ñayii ma chi jiso kuechi i nuu Su'si ma, kovaa ñayii kúnda'vi ini ñayii kúnda'vi kúkee ma chi ja vava'a ko kuu i nuu Su'si ma.

Proverbios 2:14

Vaa ñayii yukan ma chi ka jatna ini i ja ndimaa ja u'vi ka sa'a i ma. Te ûni ka sa'a i in viko ja ka kutachi i ja ni ka kundee i ni ka sa'a i ja u'vi ma.

Proverbios 21:13

Ñayii ñatuu nde ndí ini ja chindee i ñayii nda'vi ma ora jikan‑ta'vi ñayii yukan ja na chindee ña'a i ma chi kenda ja jiniñu'u tna i na in chindee ña'a, te masu na in kenda ja chindee ña'a i.

Proverbios 21:9

Ja va'a‑ka kúu visi in ve'e nda'vi ve'e kee kúu te koo maa in‑ni o, sana ja koo o in ve'e ka'nu ve'e va'a ji'in in ña'a ndimaa kúni ña ja kanaa ña.

Proverbios 3:29

Te máko ku'un ini ro ja sa'a u'vi ro ñayii iyo yatni ji'in ro ma, vaa kúkanu ini ña'a i ja masu na ja u'vi ko sa'a ro i.

1 Corintios 10:6

Kovaa sa'a ni sa'a Su'si ma ji'in ñayii yukan, sukan‑va'a yo'o ja ka iyo o vitna a, te na jin ndakani jin ndaka'vi ini o, te máko jin ndiyo ini o ja jin ko sa'a o ja u'vi ma, sukan ni ka yo ndiyo ini ñayii yukan, te ni ka yo sa'a i ja u'vi ja ñatuu játna ini Su'si ma.

Santiago 2:13

Nú na in ñatuu kúnda'vi ini i tna'a i ma, te suni ma kunda'vi ini tna ña'a Su'si ma kivi ndakan ya kuenda ma, kovaa ñayii kúnda'vi ini i tna'a i ma chi sii ini‑ni koo i kivi ndakan ya kuenda ma.

1 Juan 2:16

Vaa ndaka ja iyo ñuu ñayivi a masu nuu Yuva o ma vee, nú masu ja maa ne'un ñayii ma. Te cha'a kúu ja táa ñuu ñayivi a: ja ku'un ini o ja u'vi ma, ji'in ja ku'un ini o ja koneva'a o nawa játna ini o ma, ji'in ja sa'a o tnu'u ja maa o kuu‑ka ma.