Proverbios 20:8 - New Testament Psalms and Proverbs in Mixtec Magdalena Peñasco

⁸ Ora jínkoo rey ma nuu ndákan de kuenda nuu ñayii ma chi yika‑ni ja nde'ya de ma, te ka jikayata maa ñayii ka sa'a ja u'vi ma.

Proverbios 20:8 ပူးပေါင်းရင်းမြစ်များ

Salmos 72:4

Te rey ya, na sa'a ndaa na sa'a ndija de ja jin kuu ñayii nda'vi ka iyo ñuu ni a. Te sa'a de ja jin kaku ñayii ka ndo'o ka neni ja ka sa'a ndeva'a ña'a in‑ka ñayii ma, te xnaa de ñayii sa'a ndeva'a ñayii ñuu ni ma.

Salmos 92:9

Te ja ndaa ndija kúu ja ñayii ñatuu nde ka kunimani i nuu ni ma chi jin skenaa i maa i, te ñayii ka sa'a ja u'vi ma chi jin skenaa i maa i, sani te jin kuitenuu i.

Salmos 99:4

“Maa ni kúu Rey iya sa'a ndaa sa'a ndija ma, te chukan kúu ja kóo jayiñu'u nuu maa ni a. Te maa ni káxtnu'u ja inuu‑ni ka kuu ndaka ñayii ma, te ñatuu na nde i kanuu‑ka. Te sukan ni sa'a ndaa ni sa'a ndija ni ji'in sa'ya tata Jacob ma.” Sa'a jin kuña'a ni ya.

Proverbios 16:12

Rey tee ka netniñu ma, masu ka jatna ini de ja u'vi ka sa'a ñayii ma, vaa nuu ka nukoo ka nukuiñi de ma chi ndimaa ja va'a ja ndaa iyo ja jin sa'a de, vaa sukan, te jin koo va'a de ñuu de ma.

Proverbios 20:26

Rey tee ndichi ma chi sa'a siin de ñayii ka sa'a ja u'vi ma, te xnaa de i sukan sa'a yoso mulinu ma triu ma ja vii jaxi i ma.

Proverbios 25:5

Te suni sukan jín xtandiyo o ñayii ka sa'a ja u'vi ma nuu núkoo rey ma ja tátnuni de ma, sukan‑va'a tátnuni va'a maa de.

Proverbios 29:14

Nú in rey ma, te sa'a ndaa sa'a ndija de ja jin kuu ñayii nda'vi ma, konukuiñi va'a de te kani kivi ko tatnuni de ñuu de ma.

Mateo 12:30

’Chukan kúu ja nú na in ñatuu iyo ji'in sa chi ñatuu kúnimani i nuu sa, te nú na in ñatuu ndáxtutu ji'in sa, chi su'va jatenuu i.