Proverbios 20:6 - New Testament Psalms and Proverbs in Mixtec Magdalena Peñasco

⁶ Kua'a xeen ñayii ka kuvixi i ja inuva'a ini i, kovaa masu kuu kukanu ini o ni a in ñayii yukan.

Proverbios 20:6 ပူးပေါင်းရင်းမြစ်များ

Salmos 12:1

Iya Tátnuni, sa'a ni ja kaku sa, vaa ñatuu‑ka na ñayii ka sa'a sukan jatna ini ni ma ka iyo ne'un ñayii ka iyo ñuu ñayivi ya.

Salmos 12:2

Vaa ndaka ñayii a, ndimaa ka xnda'vi tna'a i, te ñii yu'u i ma‑ni ka iyo tnu'u ka ka'an i ma, kovaa masu inundija i ja ka ka'an i ma.

Proverbios 20:5

Sukan kúu ndute ñu'u in soko kunu ma, sukan kuu ja jani ini ñayii ma ini anua i ma, te ñayii ndichi ma chi jakun‑tnuni‑ni ini i nawa kúni ñayii ma ka'an i ma.

Proverbios 25:14

Te sukan kúu viko tachi ma ja iyo i te masu na savi kúun ma, sukan‑ni kúu ñayii ká'an ja ñayii va'a ini kúu i ma te onde skuiso i ja kua'a i nawa jiniñu'u ñayii nda'vi‑ka ma kovaa ni masu nde wa'a i ma.

Proverbios 27:2

te ni a ko ndachiñu'u ni maa ni te ko ka'an ni ja ja va'a kúu ja sa'a ni ma. Ña'a, chi su'va kondetu ni ja in‑ka ñayii ma, te na jin ndaka'an maa i ja va'a ni sa'a ni ma te koo jayiñu'u ni.

Mateo 6:2

Chukan kúu ja nuna jin chindee ni ñayii nda'vi ma, má jin sa'a ni ja jin kuni ndaka‑ka ñayii ma, sukan ka sa'a ñayii ka kutneñu maa i te masu ka sa'a i ja ka ka'an i ma. Vaa nú ka iyo i veñu'u lilikin ma xi nú ka iyo i ichi ma, te sukan ka sa'a i, sukan‑va'a jin kuni ñayii ma ja sukan ka sa'a i ma te jin ndachiñu'u ña'a i ma. Ja ndaa ká'an sa ja jâ ni ka ni'i i ja jin kuta'vi i ma, te masu nawa jin ni'i‑ka i.

Lucas 18:11

Tee kúu fariseo ma, núkuiñi de, te sa'a jikan‑ta'vi de: “Su'si, kuta'vi sa nuu ni, vaa masu kúu sa sukan ka kuu‑ka ñayii ma, ja ka sakui'na i ma, ja ka sa'a i ja u'vi ma, ja ka kivi nduu i ji'in in‑ka ña'a ma, te masu kúu sa sukan kúu tee yukan tee ndáke'en ya'vi xu'un no'o ñuu Roma ma.

Lucas 18:28

Pedro ma, jiña'a de: ―‍Señor, saña chi ndaka ja ka neva'a sa ma ni ka xndoo sa, te ni ka ndikin ña'a sa ―‍kúu de jiña'a de.

Lucas 18:8

Ká'an sa ja yachi yachi chindee ña'a ya. Kovaa nuna kenda kivi ndii sa ja kúu sa iya vee ñayivi ñuu ñayivi a, ¿kuiti ja ndani'i‑ka sa ñayii ñuu ñayivi ya ja ka kukanu ini ña'a i? ―‍kúu ya jiña'a ya.

Lucas 22:33

Simón ma, jiña'a de: ―‍Señor, iyo sa ja ki'in sa ji'in ni onde vekaa ma te visi na kûu sa ji'in ni ―‍kúu Simón ma jiña'a de.

Juan 1:47

Nuu ni jini Jesús ma ja kuan tu'va tee kúu Natanael ma, te jiña'a ya: ―‍Ya'a vee in tee ndija ñuu Israel ya, in tee masu xnda'vi ñayii ma kúu de ―‍kúu ya jiña'a ya.

2 Corintios 12:11

Ni sa'a neé sa maa sa ja ni ndachiñu'u sa vala maa sa, vaa maa ni ni ka xtetuu ña'a, vaa masu nde ni ka ndakunitnuni ni ndaka nawa sa'a nawa kúu tna sa ma. Vaa visi ñatuu nawa kúu sa nuu Su'si ma ka jani ini ni, kovaa masu ka ndanuu‑ka tee ka ka'an maa de ja Cristo ma ni tetniñu ña'a ma sana saña.