Proverbios 20:30 - New Testament Psalms and Proverbs in Mixtec Magdalena Peñasco

³⁰ Ja ka xndo'o ka xneni i ñayii sa'a ja u'vi ma ji'in yutnu xii ma chi kuenda tnu'u ja jatatna kúu, vaa sukan, te ndasa'a i kuenda te xndoo i ja u'vi sa'a i ma.

Proverbios 20:30 ပူးပေါင်းရင်းမြစ်များ

Salmos 89:32

sani te xndo'o xneni sa i, vaa ñatuu ka kandija i tnu'u tátnuni sa a, te jin ndo'o jin neni maa i kuechi ja ni ka sa'a maa i ja u'vi ma.

Proverbios 19:25

Suchi ñatuu ka jandetu nuu yuva i ma te kani de i ma chi jin kuni jaku‑ka i ma, te jin koyu'u i, te ma jin sa'a‑ka i ja u'vi ma, vaa suchi ndichi ma chi ndaka ja na ndaka'an‑so'o o nuu i ma, sani te jaku'ni ini i ja sa'a i ja va'a ma.

Proverbios 22:15

Suchi jaa ma ûni ndikin tna'a xeen i ji'in ja sa'a ndee ini i te sa'a so'o xeen i maa i, kovaa nuna ndaka'an‑so'o o nuu i te skonduu o yutnu xii yata ka'a i chi ndatnii i kuenda te ko kuu i in ñayii va'a.

Proverbios 27:6

Kuu jin kandija o tnu'u ka'an‑so'o in ñayii ketna'a ini ji'in o ma, visi tnu'u ka'an i ma sa'a ja tná‑u'vi ini o. Kovaa in ñayii ñatuu kunimani nuu o ma chi máko jin kukanu ini o nawa ka'an i ma, visi chítu chítu i yikinuu o ma.

Hebreos 12:10

Vaa yuva o ma chi jaku‑ni kivi ni ka yo ka'an, ni ka yo kachi de nuu o, sukan ni ka yo jani ini de ja jin koo va'a o ma. Kovaa ja sukan sa'a Su'si o a chi ja va'a‑ka maa o kúu, sukan‑va'a ñatuu‑ka na ja u'vi jin ko sa'a o, te jin ko kuu o sukan iyo maa ya ma.

1 Pedro 2:24

Te maa ya ni kundee ni kuyii ini ja ni ndachunaa ya kuechi ndaka o ma, nuu ni ndakaa ya nuu krusi ma, sukan‑va'a yo'o, sukan kúu ñayii ni ji'i ma ja masu kuu nawa sa'a‑ka i ma, sukan jín ko kuu o nuu ja u'vi ma, te jin ko sa'a o nanimaa ja va'a ja ndaa ma, nani ka iyo o ñuu ñayivi ya. Vaa kuechi ja ni ndo'o ni neni ya ma kúu ja ni ka nduva'a o a.