Proverbios 20:24 - New Testament Psalms and Proverbs in Mixtec Magdalena Peñasco

²⁴ Maa Su'si ma kúu iya jâ jini naxe ko kuu in in ñayii ma, te ni‑in ñayii ma masu kuu jaku'ni ini i naxe iyo ja ko kuu ji'in ndi‑in ndi‑in o ma, vaa maa in‑ni Su'si ma kúu iya jâ jini ndi'i.

Proverbios 20:24 ပူးပေါင်းရင်းမြစ်များ

Salmos 25:12

¿Nde in kúu ñayii yu'u ja ndakan Iya Tátnuni ma kuenda nuu i ma? Ñayii yukan ma chi maa ya kaxtnu'u ichi va'a ko kaka i ma.

Salmos 25:4

Iya Tátnuni, kaxtnu'u ni ichi maa ni a, te kaxtnu'u ni naxe sa'a sa ja játna ini ni ma.

Salmos 37:23

Ñayii sa'a ja va'a ma chi maa Iya Tátnuni ma skaka ña'a ichi va'a ma.

Proverbios 14:8

Ñayii ndichi ma chi maa tnu'u ndichi ma sa'a ja ni'i ini i naxe ko sa'a ko kuu i ma, kovaa ñayii so'o xeen kaa ma chi jani ini i ja va'a‑ni sa'a i, kovaa xnda'vi i maa i.

Proverbios 16:1

Ñayii ma chi kua'a xeen ja jani ini i ja kuu sa'a i, kovaa maa Su'si ma kúu Iya ka'an nú ko kuu sukan jani ini i ma xi ña'a.

Proverbios 16:9

Ñayii ma, jani ini i nawa sa'a nawa kuu i ñuu ñayivi a, kovaa maa Su'si ma kúu iya ndaskaka va'a ña'a ichi ndaa ma.

Hechos 17:28

Vaa ja maa ya ma, te ka teku o te ka kanda o te ka iyo o, vaa maa ya jito ña'a, te jâ yatni sukan ka ka'an tna jaku tee ndichi ka iyo ne'un ni a: “Vaa sa'ya tata maa ya ka kuu o”, ka ka'an de.