Proverbios 20:19 - New Testament Psalms and Proverbs in Mixtec Magdalena Peñasco

¹⁹ Ñayii tnu'u ma chi masu kuu kukanu ini o i chi ndi'i kuiti ndáxtuu i kua'an i ma, chukan kúu ja masu kuu ketna'a ini o ji'in ñayii masu kutu yu'u i ma.

Proverbios 20:19 ပူးပေါင်းရင်းမြစ်များ

Salmos 101:5

Te ñayii ká'an tnu'u in tna'a i ma chi sa'a sa ja na kasi yu'u i, te ñayii sa'a vixi ja maa i kúu‑ka ma te ñu'u ini i tna'a ja masu nde jiniñu'u ma chi masu kua'a sa tnu'u ja ka'an‑ka i.

Proverbios 11:13

Ñayii ndimaa ndúku i cuentu ma chi kua'an i te ndáxtuu i nawa ni ka ndatnu'u yu'u ñayii ma, kovaa ñayii núkuiñi va'a nuu Su'si ma chi masu ndáka'an kuiti i nawa ni jiniso'o i ja iyo ja maa i‑ni jin kona'a ma.

Proverbios 13:3

Ñayii ndása'a kuenda te ñatuu ká'an yachi i ma chi ja jito va'a i maa i kúu, kovaa ñayii ñatuu nde ndása'a i kuenda ma te ká'an yachi i ma chi maa i‑ni sa'a ja jákun‑nee i nuu tnundo'o ma.

Proverbios 16:29

Ñayii nde'e xeen kaa ini ma chi xnda'vi i in‑ka ñayii ma te skaka i ñayii ma ichi u'vi ma,

Proverbios 18:8

Ñayii tnu'u ma, ñayii ndúku cuentu ma chi ûni vivii ká'an i ja ndákani i nuu in‑ka ñayii ma, te sa'a i ja kénda onde ini anua ñayii ma ja jiña'a i ma.

Proverbios 24:21

Sa'ya maa ri, koyu'u Su'si o a ji'in tee kúu rey ma, te máko kondikin tna'a ro ji'in ñayii so'o xeen ka ndaa ma,

Romanos 16:18

Vaa ñayii yukan chi masu ka jinukuechi i nuu Jesucristo iya tátnuni nuu o a, nú masu ja ka ndi ini i kúu ja jin ni'i i ja jin ku'un chii i ma‑ni. Te vivii ka ka'an i, te ka xnda'vi i ñayii ñatuu ka ndasa'a kuenda ma.