Proverbios 2:6 - New Testament Psalms and Proverbs in Mixtec Magdalena Peñasco

⁶ Vaa Su'si ro Iya Tátnuni ma kúu iya táa tnu'u ndichi ma te sa'a ya ja jaku'ni ini ro ndaka. Vaa maa ya kúu iya jini ndaka tu'u naxe iyo ñuu ñayivi a.

Proverbios 2:6 ပူးပေါင်းရင်းမြစ်များ

Salmos 119:104

Nuu tnu'u tátnuni ni a ni kutu'va sa tnu'u ndichi ma, te chukan kúu ja saxiko sa ndaka ichi xnda'vi tna'a ñayii ma.

Salmos 119:34

Taa ni janitnuni va'a, sukan‑va'a ni‑yu'u ni‑ini sa kátanuu sa tnu'u tátnuni ni ma te kó sa'a sa sukan kúni ni ma.

Salmos 119:98

Te ni sa'a ni ja ni kundichi‑ka sa sana ndaka‑ka ñayii ñatuu ka kunimani nuu sa ma, vaa tnu'u tátnuni ni a iyo ji'in sa ndaka kivi.

Salmos 19:7

Tnu'u ja káxtnu'u Iya Tátnuni ma ja ndandaa kúu, vaa ndáxsama i janitnuni ñayii ma, te ndúu i ñayii sa'a ja va'a ja ndaa. Te tnu'u ni ka'an Iya Tátnuni ma chi sukan sa'a ya, vaa ñayii ñatuu jaku'ni‑ka ini i ma chi kuu jaku'ni ini i.

Salmos 19:8

Tnu'u tátnuni Iya Tátnuni ma chi tnu'u ndandaa kúu, vaa sa'a i ja koo sii ini ini anua ñayii ma. Tnu'u tátnuni Iya Tátnuni ma chi tnu'u nanimaa kúu, vaa ndáxtnuu i nuu ñayii ma sukan‑va'a ma skenaa i maa i.

Salmos 51:6

Ja ndaa kúu ja kútoo ni ñayii in‑ni ja jani ini i ma, te onde ini anua sa ma ni kaxtnu'u ni tnu'u ndichi ma.

Salmos 94:10

Iya kuu xndo'o xneni ni‑ka'nu ñuu ñayivi a, ¿ka jani ini ni ja masu ka'an ni'i ya nuu ni? ¿Xi ka sa'a ni kuenda ja iya káxtnu'u tnu'u ndichi nuu ñayii a, te ñatuu jini ya nawa ka jani ini ni?

Proverbios 6:23

Vaa tnu'u tátnuni ri a chi kuenda tnu'u ja in ñu'u ndú'va kúu i, te ja káxtnu'u ri a chi xtnuu i nuu ro sukan kúu ñu'u ndú'va ma, te ja ndáka'an‑so'o ri nuu ro ja ndákani ichi ña'a ri a chi sa'a i ja koteku ro,

Lucas 21:15

vaa maa sa taa tnu'u va'a tnu'u ndichi jin ka'an ni, sukan‑va'a ni‑in ñayii ñatuu kunimani nuu ni ma, masu jin kundee i nuu ni, su'va jin ndasa'a i kuenda ja ja ka ka'an ni ma ja ndaa kúu.

Juan 6:45

Nuu tutu ndee tnu'u tee ka ndakaxtnu'u tnu'u ni wa'a Su'si ma ká'an: “Su'si ma kaxtnu'u nuu ndaka i.” Chukan kúu ja ndaka ñayii kuniso'o ja ká'an Yuva sa ma te kutu'va i ja ká'an ya ma, te kii i ki tu'va ña'a i.

Santiago 1:17

Ndaka ja va'a ja ndaa ka ndani'i o a chi onde sukun nuu iyo Su'si ma vee, te Su'si ma kúu iya ni sa'a ndaka ja ka ndu'va ka iyo onde andivi ma. Te maa ya chi masu ndaxsama ya ja jani ini ya ma, sukan kúu kati kuanda'vi ma.

Santiago 1:5

Nú nde o ja'ni ña'a i ja jakun‑tnuni ini o tnu'u ndichi ma, te kákan‑ta'vi o nuu Su'si ma, te taa ya. Vaa maa Su'si ma kúu iya taa ndaka ja jiniñu'u o ma, te masu ndákune'e ya naxe ni yo sa'a ni yo kuu o ma.