Proverbios 2:13 - New Testament Psalms and Proverbs in Mixtec Magdalena Peñasco

¹³ Vaa ka xndoo i ichi va'a ichi ndaa Su'si ma te kuan koo maa i ichi nuu nee, ichi nuu masu ka jaku'ni ini i ja ja u'vi kúu ja ka sa'a ka kuu i ma.

Proverbios 2:13 ပူးပေါင်းရင်းမြစ်များ

Salmos 14:3

Kovaa ndi‑in ndi‑in i siin siin ichi ni ka tnii i, te ka kuneé ka ku‑uun‑nka i. Ñatuu na in sa'a ja va'a, va ni a in ñayii sa'a ja va'a, vaa ni ka xndoo i ichi va'a ma.

Salmos 36:3

Vaa ndimaa tnu'u kini tnu'u ndeva'a ká'an i, te xnda'vi i in‑ka ñayii ma, te jâ ni skenaa i maa i, vaa jâ ni ndunaa i ja sa'a i ja va'a ma.

Salmos 82:5

’Vaa tee ya'a chi ka sa'a de ja u'vi ma, te ni masu nde ka jini de, te ni masu nde ka jaku'ni ini de nawa ka sa'a de ma, vaa ka iyo de nuu nee kuiti ma. Te ndaka kuiti ja ni tatnuni Su'si ma sukan ko kuu nuu ñayii ma ni ka ndaxsama de”, kúu ya jiña'a ya.

Proverbios 21:16

Ñayii ñatuu ndása'a kuenda naxe ko kuu i in ñayii va'a ma te kúneé kú‑uun‑ni maa i ma chi ichi nuu kûu i te skenaa i maa i kua'an i.

Proverbios 4:19

Kovaa ñayii ka sa'a ja u'vi ma chi kuenda tnu'u ja nee kuiti ichi kuan koo i ma, vaa ni masu ka jini maa i, te ka kendeka ka kee ni'ni i kuan koo i.

Juan 1:6

Ni kenda in tee ni yo nani Juan. In tee ni tetniñu Su'si ma kúu de.

Juan 12:35

Jesús ma, jiña'a ya: ―‍Kuenda kúu ñu'u ndú'va te xtnuu vivii i ma, kúu sa ne'un ndaka ni a, kovaa yika ja jaku‑nka‑ni kivi koo sa ji'in ndaka ni. Nani iyo‑ka sa ja kúu sa ñu'u ndú'va te xtnuu vivii sa nuu ni a, kuán koo ve koo‑ka ni jin ko kuu ni, nasa yukan, te ki tna'a ña'a ja kunee ma. Vaa nú na in kua'an nuu nee ma, ñatuu jini i ndenu kua'an i.

Romanos 1:21

Te visi jâ ka jini ñayii ma ja iyo Su'si o a, kovaa ñatuu ka ndachiñu'u i maa ya ja kúu ya Su'si ma, te ñatuu ni ka ndakuan‑ta'vi i nuu ya, su'va ni ka sa'a ndee i ini anua i ma, te ni ka ndandesi ini anua i ma.

2 Timoteo 4:10

Vaa tee kúu Demas ma chi ni xndoo ña'a de, vaa jatanuu‑ka de ja iyo ñuu ñayivi a, te kua'an de onde ñuu Tesalónica ma. Te tee kúu Crescente ma, kanuu kuiti ja ki'in de ñuu Galacia ma te kua'an de, te tee kúu Tito ma, kua'an tna de ñuu Dalmacia ma, vaa ka jatanuu de Su'si o a.

1 Juan 2:19

Ñayii ya'a, ni ka nde koo i ne'un o a, vaa masu ñayii ka ndikin Cristo ma ka kuu i. Vaa nute ka ndikin i ya chi jin koo ka'nu o ji'in i. Kovaa sa'a ni kuu, sukan‑va'a jin kuni ndaa o ja masu ndaka o ka kuu sa'ya Su'si ma.