Proverbios 19:7 - New Testament Psalms and Proverbs in Mixtec Magdalena Peñasco

⁷ Nú ñayii kúnda'vi kúkee ma, te onde tna'a i ma ka saxiko ña'a, kuiti ka'vi‑ka jin sa'a ña'a ñayii ka ketna'a ini ji'in i ma, vaa visi na kakan‑ta'vi maa i nuu ñayii yukan ja jin chindee ña'a i, kovaa su'va jin kujika‑ka i jin koo i.

Proverbios 19:7 ပူးပေါင်းရင်းမြစ်များ

Salmos 38:11

Te ñayii ka ketna'a ini ji'in sa ma, ji'in tna'a sa ma chi ni ka skendoo ña'a i ja kuechi ja ku'u sa ya, te ñayii ka iyo yatni ji'in sa ma chi ka kujika ka kusu'va‑ni i nuu iyo sa a.

Salmos 38:12

Te ndaka ñayii ka kuni ja jin ka'ni ña'a i ma chi ka nduku i naxe jin tnii ña'a i, te ka ka'an ndeva'a i ja kuu sa, te ndaka ora ka jani ini i naxe jin xnda'vi ña'a i.

Salmos 88:18

Te ndaka ñayii ka ketna'a ini ji'in sa ma, ni xtandiyo ni i nuu iyo sa a, ji'in ndaka ñayii ka ndikin tna'a ji'in sa ma. Te ndaka ñayii ka jini tna'a ji'in sa ma, ni chunee ni i nuu nee ma.

Salmos 88:8

Ni sa'a ni ja ndaka ñayii ka ketna'a ini ji'in sa ma, ni ka skendoo ña'a i, te ka saxiko ña'a i, te kuenda tnu'u ja yinee va'a sa vekaa ma, te masu nde kúu ndee‑ka sa.

Proverbios 10:15

Ñayii ndichi ma chi ja ni jani va'a ini i ma te ní'i tna'a i te iyo tu'va i te kúu yanduu i nuu tnundo'o kénda ma, kovaa ñayii kúnda'vi kúkee ma chi ja ñatuu ni jani va'a ini i kúu, te kundee maa tnundo'o ma nuu i.

Proverbios 14:20

Ñayii kúnda'vi kúkee ma chi onde ñayii ka ka'an ja ka ketna'a ini ji'in i ma ka saxiko ña'a, kovaa ñayii kúxiku ma chi kua'a xeen ñayii ka ka'an ja ka ketna'a xeen ini i ji'in i,

Proverbios 18:23

Ñayii kúnda'vi kúkee ma chi ká'an vii ká'an va'a ká'an kuee i, kovaa ñayii kúxiku ma chi ndákone'e jatu ndákone'e kini i nuu ñayii ma.

Proverbios 19:4

Ñayii ni'i tna'a ma chi ûni kua'a xeen ñayii ka ketna'a ini ji'in i, kovaa ñayii kúnda'vi kúkee ma chi onde ñayii ka ketna'a ini ji'in i ma ka xndoo ña'a.

Proverbios 21:13

Ñayii ñatuu nde ndí ini ja chindee i ñayii nda'vi ma ora jikan‑ta'vi ñayii yukan ja na chindee ña'a i ma chi kenda ja jiniñu'u tna i na in chindee ña'a, te masu na in kenda ja chindee ña'a i.

Proverbios 27:10

Máko ndunaa ro ñayii kétna'a ini ji'in ro ma ni ñayii kétna'a ini ji'in yuva ro ma, te nuna kenda tnundo'o ve'e ro ma te máko ki'in ro onde ve'e ku'va ro xi ve'e ñani ro ma ja ka iyo i onde jika‑ka ma, chi va'a‑ka ja ki'in ro ve'e ñayii iyo yatni ji'in ro ma, sukan‑va'a ñama‑ka jin chindee ña'a i.

Santiago 2:6

Kovaa ndijin chi ni masu ni ka sa'a inuu ni ji'in ñayii nda'vi ma ji'in ñayii xiku ma, te vitna ja ñayii xiku ma, ka sa'a ndeva'a ña'a i maa ni, vaa ka ñu'u ndeva'a ña'a i, te kuan koo i kuan xsia'a ña'a i nuu tee ka netniñu ma.